English | Inuinnaqtun | Français
ᒪᐃ 15, 2010-ᒧᑦ
ᑐᓴᖅᑎᑎᒍᑦ ᒫᓐᓇ ᖃᓄᖅ ᐃᓱᒪᖕᒪᖔᖅᐱᑦ!

Home ᐊᖏᕋᖅ

ᑐᓴᕐᕕᒋᔭᕆᐊᖃᕋᑦᑎᒋᑦ

ᑐᑭᓯᒋᐊᒃᑲᓐᓂᕈᒪᒍᕕᑦ

ᐊᒃᑐᐊᓂᓖᑦ ᐃᑭᐊᖅᑭᕖᑦ

ᐊᐱᖅᑯᑕᐅᒐᔪᒃᑐᑦ ᑭᐅᔾᔪᑕᐅᒐᔪᒃᑐᓪᓗ?

  • ᐅᓪᓗᖏᑦ ᓇᓂᐅᓇᔭᕐᓂᖏᓪᓗ

ᓄᓇᓕᖕᓂ ᑲᑎᒪᓃᑦ

Adobe Acrobat Adobe Acrobat Reader

ᐅᓪᓗᖏᑦ ᓇᓂᐅᓇᔭᕐᓂᖏᓪᓗ

ᓱᖕᒪᑦ ᓄᓇᕗᑦ ᒐᕙᒪᒃᑯᖏᑦ ᐅᖃᖃᑎᒌᒃᑎᑦᑎᕙᑦ ᓄᖑᔪᐃᑦᑐᖅ ᐅᔭᕋᖕᓂᐊᖅᑕᐅᖃᑦᑕᕐᓂᖓᓄᑦ ᒫᓐᓇᐅᔪᖅ?

ᓄᓇᕗᒥᐅᑦ ᐅᖃᐅᓯᒃᓴᖃᕐᒪᑕ ᐃᓱᒫᓘᑎᖃᖅᖢᑎᒡᓗ ᓄᖑᔪᐃᑦᑐᖅ ᐅᔭᕋᖕᓂᐊᖅᑕᐅᖃᑦᑕᕐᓂᖓᓄᑦ ᓄᓇᕗᒥ. ᐃᒪᓐᓈᖅᑐᕈᑕᐅᓪᓗᓂ ᐋᔩᖃᑎᒌᖕᓂᖅ ᐃᑲᔪᖅᑎᒌᖕᓂᕐᓗ, ᑕᒪᒃᑯᐊ ᐅᖃᖃᑎᒌᒍᑕᐅᔪᑦ ᐃᑲᔫᑕᐅᓇᓱᒃᑐᑦ ᓄᓇᕗᑦ ᒐᕙᒪᒃᑯᖏᓐᓄᑦ ᓴᖅᑭᑎᑦᑎᖁᑉᓗᒋᑦ ᖃᓄᐃᓐᓂᕆᓂᐊᖅᑕᖏᓐᓂᒃ ᒪᓕᒐᒃᓴᓂᒡᓗ ᓄᓇᕗᒥᐅᑦ ᐃᓱᒪᒋᔭᒥᓂᒃ ᓴᖅᑭᑎᑦᑎᖅᑳᖅᑎᓪᓗᒋᑦ. ᐃᓄᐃᑦ ᐃᓕᑦᑎᖁᔭᐅᑦᑎᐊᖅᑐᑦ ᓱᓇᐅᖕᒪᖔᑦ ᓄᖑᔪᐃᑦᑐᖅ ᐅᖃᓕᒫᕐᓗᑎᒃ ᑐᑭᓯᒋᐊᕈᑎᒃᓴᓂᒃ ᐃᑭᐊᖅᑭᕕᖕᒥ ᑕᒡᕙᓂ. ᐱᖃᑕᐅᓕᕐᓗᑎᒡᓗ ᖃᓄᐃᓕᐅᕈᑕᐅᔪᒥ ᐅᖃᐅᔾᔨᓗᑎᒃ ᐅᕙᑉᑎᓐᓂᒃ ᖃᓄᖅ ᐃᓱᒪᒋᔭᖃᕐᒪᖔᑉᓯ ᓄᖑᔪᐃᑦᑐᒥ ᓄᓇᕗᒥ.

ᑭᓇ ᐃᓱᒪᓕᐅᖅᑎᐅᕙᒃᐸ ᓄᖑᔪᐃᑦᑐᓂᒃ ᐅᔭᕋᖕᓂᐊᕐᓂᕐᒧᑦ ᐊᒻᒪᓗ ᓱᓇᐅᕙᑦ ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᐊᒃᓴᖏᑦ?

ᑭᖑᓪᓕᖅᐸᒃᑯᑦ ᐃᓱᒪᓕᐅᕈᑏᑦ ᐅᔭᕋᖕᓂᐊᕐᕕᖕᓂ ᐱᕙᓪᓕᐊᑎᑦᑎᓂᕐᒧᑦ ᓄᓇᕗᒥ ᑲᒪᒋᔭᐅᕙᒃᑐᑦ ᓄᓇᖁᑎᓕᖕᓄᑦ. ᑕᒪᒃᑯᐊ ᐃᓱᒪᓕᐅᕈᑏᑦ, ᑭᓯᐊᓂᓕ, ᐃᓱᒪᓕᐅᕈᑕᐅᑕᐃᓐᓇᖅᐸᒃᑐᑦ ᐅᖃᖃᑎᒌᒍᑎᒃᓴᑦ ᐋᖅᑭᒃᓱᖅᑕᐅᖅᑳᖅᑎᓪᓗᒋᑦ ᒪᓕᒃᖢᑎᒃ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᕐᒥ. ᐆᒃᑐᑎᒋᓗᒍ, ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᖃᐅᔨᓴᐃᓂᖃᖅᐸᒃᑐᑦ ᐱᕙᓪᓕᐊᔾᔪᑕᐅᔪᒪᔪᓂᒃ ᓄᓇᕗᒥ ᐊᖏᖅᑕᐅᖅᑳᖅᑎᓐᓇᒋᑦ. ᖃᐅᔨᓴᐃᓂᖃᖅᑎᓪᓗᒋᑦ, ᓄᓇᕗᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᐱᕆᕙᒃᑐᑦ ᓄᓇᕗᑦ ᒐᕙᒪᒃᑯᖏᓐᓄᑦ ᐊᒻᒪᓗ ᐊᓯᖏᓐᓄᑦ ᓇᖕᒥᓂᖃᖃᑕᐅᔪᓄᑦ ᖃᓄᕐᓕ ᐃᓱᒪᒋᔭᖃᕐᒪᖔᑕ ᐱᕕᒃᓴᖃᖅᑎᑦᑎᓪᓗᑎᒃ ᓄᓇᕗᑦ ᒐᕙᒪᒃᑯᖏᓐᓂᒃ ᐱᒻᒪᕆᐅᔪᒃᑯᑦ ᐱᓕᕆᐊᒃᓴᓴᖃᑕᐅᓂᒃᑯᑦ ᐊᐅᓇᑦᑎᒥᕐᓱᑦ,
ᓄᓇᕗᑦ ᒐᕙᒪᒃᑯᖏᑦ ᐃᓱᒪᓕᐅᕈᑎᖃᕈᓐᓇᙱᑦᑐᑦ ᒐᕙᒪᑐᖃᒃᑯᑦ ᓄᓇᖁᑎᖏᓐᓂᒃ ᓄᓇᕗᒥ, ᓄᓇᕗᑦ ᒐᕙᒪᒃᑯᖏᑦᑕ ᒪᓕᒐᖏᑦ ᓴᖅᑭᑎᑕᐅᓂᐊᖅᑐᑦ ᒪᓕᒃᐸᒃᑐᑦ ᐃᓄᐃᑦ ᐅᖃᖃᑎᒋᒍᑎᒋᓯᒪᔭᖏᓐᓄᑦ ᐃᒪᓐᓈᖅᑐᕈᑕᐅᕙᒃᑐᑦ ᒐᕙᒪᒃᑯᑦ ᐃᓱᒪᒋᔭᖏᓐᓄᑦ ᐅᖃᖃᑎᒌᒍᑕᐅᓂᐊᖅᑐᓄᑦ. ᐊᒻᒪᑦᑕᐅᖅ, ᑕᒪᕐᒥᒃ ᓄᓇᐃᑦ ᒪᓐᓇᐅᔪᖅ ᐃᓱᒪᒋᔭᐅᓯᒪᔪᑦ ᓄᖑᔪᐃᑦᑐᓕᕆᕝᕕᐅᔪᒪᓪᓗᑎᒃ ᓇᖕᒥᓂᕆᔭᐅᑎᓪᓗᒋᑦ ᒐᕙᒪᑐᖃᒃᑯᓐᓄᑦ ᐊᒻᒪᓗ/ ᐅᕝᕙᓘᓐᓃᑦ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ, ᓄᓇᕗᑦ ᒐᕙᒪᒃᑯᖏᑦ ᐸᕐᓇᒃᓯᒪᔪᑦ ᐋᔩᕈᑎᖃᕋᔭᕐᓂᖏᓐᓄᑦ ᓴᖅᑭᑎᑦᑎᔪᒪᓂᕐᒧᑦ ᓄᓇᓖᑦ ᐱᓕᕆᐊᒃᓴᖏᓐᓂᒃ ᓄᓇᓄᑦ ᒐᕙᒪᑐᖃᒃᑯᑦ ᓇᖕᒥᓂᖁᑎᒋᔭᖏᓐᓄᑦ.

ᖃᓄᖅ ᓄᓇᕗᒥ ᓄᓇᓂᒃ ᐊᑐᕐᓂᕐᒧᑦ ᐸᕐᓇᐅᑕᐅᔪᖅ ᐊᒃᑐᖅᑕᐅᓂᖃᕐᓂᐊᖅᐸ ᑕᒪᒃᑯᓄᙵ ᐅᖃᖃᑎᒌᒍᑎᓄᑦ?

ᒫᓐᓇᐅᔪᖅ, ᓄᓇᕗᒥ ᐸᕐᓇᐃᔩᑦ ᑲᑎᒪᔨᖏᑦ ᑎᑎᕋᖅᐸᓪᓕᐊᔪᑦ ᐊᒻᒪᓗ ᐸᕐᓇᐃᕙᓪᓕᐊᔪᑦ ᐃᓄᖕᓄᑦ ᐅᖃᖃᑎᒋᒍᑎᒃᓴᓂᒃ ᓄᓇᕗᓗᒃᑖᒧᑦ ᓄᓇᓂᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ. ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᒐᕙᑐᖃᒃᑯᑦ, ᐊᖏᕈᑎᓕᐊᑉ ᐃᓚᖓᒍᑦ 11.5.8-ᑯᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓕᐊᒃᑯᑦ, ᐊᖏᕆᐊᖃᕐᓂᐊᕐᒪᑕ ᑭᖑᓪᓕᖅᐹᒃᑯᑦ ᓄᓇᒥᒃ ᐊᑐᕐᓂᕐᒧᑦ ᐸᕐᓇᐅᑎᒥᒃ ᓄᓇᕗᒨᖓᔪᒥᒃ. ᓄᓇᕗᑦ ᒐᕙᒪᒃᑯᖏᑦᑕ ᒪᓕᒐᖏᑦ ᓄᖑᔪᐃᑦᑐᓕᕆᓂᕐᒧᑦ ᐃᑲᔫᑕᐅᓂᐊᖅᑐᖅ ᑐᓴᖅᑎᑦᑎᓂᕐᒧᑦ ᐊᖏᕈᑕᐅᕙᓪᓕᐊᔭᕆᐊᖃᖅᑐᓄᑦ ᐊᒻᒪᓗ ᐃᒪᓐᓈᖅᑐᕈᑕᐅᓗᓂ ᐃᓱᒪᓕᐅᕈᑎᑦᑎᓐᓄᑦ.

ᓱᓇᐅᖕᒪᑦ ᓄᖑᔪᐃᑦᑐᖅ?

ᓄᖑᔪᐃᑦᑐᖅ ᓴᕕᕋᔭᐅᔪᖅ ᓄᓇᕐᔪᐊᑉ ᐃᑭᐊᖓᓃᖦᖢᓂ, ᓲᕐᓗ ᑲᓐᓄᔭᖅᑎᑐᑦ, ᑯᓯᕐᓯᐊᒃᓴᖅᑎᑐᑦ ᐊᒻᒪᓗ ᓴᕕᒃᓴᖅᑎᑐᑦ.

ᓄᖑᔪᐃᑦᑐᖅ ᐊᔾᔨᐅᖏᒻᒥᔪᖅ ᐊᓯᖏᑦᑎᑐᑦ ᓴᕕᕋᔭᒃᑎᑐᑦ, ᑭᓯᐊᓂ, ᓱᑲᐃᑦᑐᒃᑯᑦ ᐊᓯᔾᔨᖅᐸᓪᓕᐊᓲᖅ ᐊᓯᖏᓐᓄᑦ ᓴᕕᕋᔭᖕᓄᑦ. ᑕᒪᓐᓇ ᐊᓯᔾᔨᖅᐸᓪᓕᐊᓂᖓ ᑕᐃᔭᐅᔪᖅ ᓱᕈᖅᐸᓪᓕᐊᓂᕐᒧᑦ. ᓄᖑᔪᐃᑦᑐᖅ ᓱᕈᖅᐸᓪᓕᐊᖃᑦᑕᕐᒪᑦ ᐊᓯᖏᓐᓄᑦ ᓴᕕᕋᔭᙳᖅᖢᓂ ᓴᖅᑭᑎᑦᑎᕙᒃᑐᖅ ᓯᓚᑐᐃᓐᓇᒃᑯᑦ ᐆᒻᒪᖅᑯᑎᒃᓴᓂᒃ (radiation), ᐳᑉᓚᙳᕈᔾᔨᓂᒃᑯᓪᓗ. ᑕᒪᓐᓇ ᓄᖑᑉᐸᓪᓕᐊᓂᐅᕙᒃᑐᖅ ᓄᖑᔪᐃᑦᑐᒃᑯᑦ ᓴᖅᑭᑐᐃᓐᓇᖅᐸᒃᑐᖅ.

ᓄᖑᔪᐃᑦᑐᖅ ᓱᓇᒧᑦ ᐊᑐᖅᑕᐅᕙᖕᒪᑦ?

ᓄᖑᔪᐃᑦᑐᑦ ᐅᔭᕋᖕᓂᐊᖅᑕᐅᔪᑦ ᓄᓇᕐᔪᐊᕐᒥ ᐅᑉᓗᒥ ᐅᖅᓱᐊᓗᒃᑖᖑᕙᒃᑐᖅ ᖃᐅᒻᒪᖅᑯᑎᓕᐅᕈᑕᐅᓪᓗᓂ ᓄᖑᔪᐃᑦᑐᒃᑯᑦ ᖃᐅᒻᒪᖅᑯᑎᓕᐅᕐᕕᒃᑯᑦ. ᐊᑐᖅᑕᐅᕙᖕᒥᔪᖅ ᐊᔾᔨᐅᖏᑦᑐᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᖁᑎᓄᑦ. ᓄᖑᔪᐃᑦᑐᖅ ᐊᑐᖅᑕᐅᔪᓐᓇᖅᑐᖅ ᓴᖅᑭᑎᑦᑎᓂᕐᒧᑦ ᓄᖑᔪᐃᑦᑐᒃᑯᑦ ᓱᒋᐅᑎᓂᒃ, ᑭᓯᐊᓂ ᓄᖑᔪᐃᑦᑐᑦ ᐅᔭᕋᖕᓂᐊᖅᑕᐅᔪᑦ ᑲᓇᑕᒥ ᐊᐅᓪᓚᖅᑎᑕᐅᖃᑦᑕᕆᐊᖃᙱᑦᑐᑦ ᑕᐃᒪᓐᓇ ᐊᑐᖅᑕᐅᓂᐊᖅᑐᓄᑦ.

ᐅᔭᕋᖕᓂᐊᕐᓂᖅ ᓄᖑᔪᐃᑦᑐᓂᒃ ᖃᓄᖅ ᐊᔾᔨᖃᙱᑎᒋᕙ ᐅᔭᕋᖕᓂᐊᕐᓂᕐᒧᑦ ᐊᓯᖏᓐᓂᒃ ᓴᕕᕋᔭᖕᓂᒃ?

ᐅᔭᕋᖕᓂᐊᕐᓂᖅ ᓄᖑᔪᐃᑦᑐᓂᒃ ᐊᔾᔨᖃᕐᓚᒃᑐᖅ ᐊᒥᓱᓄᑦ ᐊᓯᖏᓐᓄᑦ ᓴᕕᕋᔭᖕᓄᑦ. ᐅᔭᕋᖕᓂᐊᖅᑕᐅᔪᓐᓇᖅᑐᖅ ᓄᓇᐅᑉ ᐊᑖᒍᑦ ᐅᕝᕙᓘᓐᓃᑦ ᐃᓗᑦᑐᖅᑎᖅᑕᐅᓯᒪᔪᒃᑯᑦ ᐅᔭᕋᖕᓂᐊᕐᕕᒃᑯᑦ. ᓄᖑᔪᐃᑦᑐᓂᒃ ᐅᔭᕋᖕᓂᐊᖅᖢᓂ ᑯᕕᖅᑕᕕᖃᖃᑦᑕᕆᐊᓖᑦ ᐊᒻᒪᓗ ᓴᖅᑭᑉᐸᓪᓕᐊᔪᑦ ᐃᒋᑕᒃᓴᑦ ᑲᒪᒋᔭᐅᖃᑦᑕᕆᐊᖃᖅᖢᑎᒃ ᐸᐸᑐᖅᑕᐅᔭᕆᐊᖃᖃᑦᑕᖅᖢᑎᒡᓗ ᐊᑯᓂᐅᔪᒃᑯᑦ, ᓲᕐᓗ ᐊᓯᖏᑦᑎᑐᑦ ᐅᔭᕋᖕᓂᐊᕐᕕᐅᔪᑎᑐᑦ ᐅᔭᕋᖕᓂᐊᖅᐸᒃᑎᓪᓗᒋᑦ ᑲᓐᓄᔭᕐᓂᒃ (Copper), Nickle-ᓂᒃ ᐅᕝᕙᓘᓐᓃᑦ ᓴᕕᒃᓴᕐᓂᒃ (Zinc). ᓄᖑᔪᐃᑦᑐᓂᒃ ᐅᔭᕋᖕᓂᐊᕐᓂᐊᕐᓗᓂ ᐊᓯᖏᓐᓂᒃᑕᐅᖅ ᒪᓕᒐᖃᖅᐸᒃᑐᖅ ᐊᔾᔨᐅᖏᑦᑑᓂᖓᓄᑦ ᐅᓗᕆᐊᓇᖅᑑᓂᖓᓄᑦ ᐊᒻᒪᓗ ᐳᑉᓚᙳᕈᔾᔨᓂᖓᓄᑦ ᓯᓚᐅᓐᓇᒃᑯᓪᓗ ᓱᒃᑲᓇᖅᑐᓕᐅᕈᔾᔭᐅᖃᑦᑕᕐᓂᖓᓄᑦ.

ᓱᓇᐅᕙ ᓯᓚᐃᓐᓇᒃᑯᑦ ᓱᑲᓐᓇᖅᑐᓕᐅᕐᓂᖅ?

ᓯᓚᐃᓐᓇᒃᑯᑦ ᓱᑲᓐᓇᖅᑐᓕᐅᕐᓂᖅ ᐅᒻᒪᖅᑯᑕᐅᔪᖅ. ᑕᒪᓐᓇ ᐆᒻᒪᖅᑯᑎ ᖃᓄᐃᑦᑐᑐᐃᓐᓇᒃᑯᑦ ᓅᑉᐸᓪᓕᐊᓂᖃᕈᓐᓇᖅᑐᖅ. ᐃᓄᓗᒃᑖᑦ ᐊᒃᑐᖅᑕᐅᓯᒪᓂᖃᖅᑐᑦ ᑕᒪᑐᒧᙵ ᐃᓅᓂᒃᑯᑦ ᐃᓄᖕᓄᓪᓗ ᓴᓇᔭᐅᓯᒪᔪᒃᑯᑦ, ᐱᖃᑕᐅᓪᓗᒍ ᐳᑉᓚᙳᕈᔾᔨᓂᖅ, ᓯᓚᑐᐃᓐᓇᕐᒥ ᓯᕿᓂᕐᒥ ᐆᒻᒪᖅᑯᑎᒋᔭᐅᔪᒃᑯᑦ, ᐋᓐᓂᐊᖃᕐᓇᖏᑦᑐᓕᕆᔾᔪᑎᒃᑯᓪᓗ (ᐊᔾᔨᓕᐅᕈᑎᒃᑯᑦ) ᐊᒻᒪᓗ ᓴᕕᕋᔭᖕᓂᙶᖅᑐᒃᑯᑦ.

ᓇᓂ ᓄᖑᔪᐃᑦᑐᑦ ᐅᔭᕋᖕᓂᐊᖅᑕᐅᓯᒪᕙᑦ ᑲᓇᑕᒥ?

ᑲᓇᑕᒥ, ᓄᖑᔪᐅᑦᑐᑦ ᐅᔭᕋᖕᓂᐊᖅᑕᐅᓯᒪᔪᑦ ᑭᓯᒥ ᓴᔅᑳᑦᑐᐊᓐᒥ.

ᓄᓇᓕᖕᓂ ᑲᓇᑕᒥ ᐅᑭᐅᖅᑕᖅᑐᒥᓘᓐᓃᑦ ᐱᑕᖃᖅᐸ ᓄᖑᔪᐃᑦᑐᓂᒃ ᐅᔭᕋᖕᓂᐊᖅᑎᑦᑎᑦᑕᐃᓕᒪᔪᓂᒃ?

ᐄ. ᐳᕆᑎᔅ ᑲᓚᒻᐱᔭ, ᓄᕙ ᓯᑯᓴ ᓄᖑᔪᐃᑦᑐᒥᒃ ᐅᔭᕋᖕᓂᐊᖅᑎᑦᑎᑦᑕᐃᓕᒪᔪᑦ ᓄᓇᖏᓐᓂ. ᓂᐅᕕᓐᓛᓐᒥ ᐊᒻᒪᓗ ᓚᐸᑐᐊᕆᒥ, ᓄᓇᑦᓯᐊᕗᑦ ᒐᕙᒪᖓ ᐱᖓᓱᓄᑦ ᐅᑭᐅᓄᑦ ᓄᖅᑲᖅᑎᑦᑎᓯᒪᔪᖅ ᓄᖑᔪᐃᑦᑐᓂᒃ ᐅᔭᕋᖕᓂᐊᖅᑕᐃᓕᒪᑎᑦᑎᓪᓗᓂ ᓄᓇᒥ ᓚᐸᑐᐊᕆᐅᑉ ᓄᓇᑖᕈᑎᒋᓯᒪᔭᖓᑕ ᐃᓚᖓᓃᑦᑐᒥᒃ ᐱᒋᐊᓚᐅᖅᑐᖅ ᑕᒪᓐᓇ ᒫᑦᓯ 2008-ᒥ.

ᖃᐅᔨᒋᐊᕐᕕᐅᓯᒪᔪᖅ: ᓄᖑᔪᐃᑦᑐᑦ ᓄᓇᕗᒥ ᕿᒥᕐᕈᔭᐅᓂᖃᖅᑎᓪᓗᒋᑦ. 2011. ᒎᑐ ᑲᑐᔾᔨᖃᑎᒋᒃᑯᓐᓄᑦ ᑎᒥᖁᑎᒋᔭᐅᔪᒧᑦ.

ᐅᕙᒻᓂᒃ ᐊᐅᓪᓚᕐᓇᒋᑦ!