|
 ᐊᖏᕋᖅ
ᑐᓴᕐᕕᒋᔭᕆᐊᖃᕋᑦᑎᒋᑦ
ᑐᑭᓯᒋᐊᒃᑲᓐᓂᕈᒪᒍᕕᑦ
ᐊᒃᑐᐊᓂᓖᑦ ᐃᑭᐊᖅᑭᕖᑦ
ᐊᐱᖅᑯᑕᐅᒐᔪᒃᑐᑦ ᑭᐅᔾᔪᑕᐅᒐᔪᒃᑐᓪᓗ?
ᓄᓇᓕᖕᓂ ᑲᑎᒪᓃᑦ
Adobe Acrobat Reader
|
ᐱᖓᓲᔪᖅᑐᑦ ᑐᙵᕕᖏᑦ — ᐊᑐᐊᒐᐃᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᖅᑐᓕᕆᓂᕐᒧᑦ ᓄᓇᕗᒻᒥ
ᑐᙵᕕᖏᓐᓂ ᓄᓇᕗᑦ ᒐᕙᒪᒃᑯᖏᑕ:
- ᐃᓱᒪᒋᔭᖃᖅᑐᑦ ᐅᔭᕋᕐᓂᐊᖅᑐᓕᕆᓂᕐᒥᒃ, ᐱᒻᒪᕆᐅᓂᖓᓂᒃ
ᑮᓇᐅᔭᓕᐅᕈᑕᐅᒍᓐᓇᑐᐃᓐᓇᕆᐊᖃᕐᓂᖓ ᑐᕌᖓᑎᑕᐅᓗᑎᒃ ᐱᔭᕆᐊᓕᖏᓐᓄᑦ ᓄᓇᕗᒻᒥᐅᑦ ᐊᒥᓱᕐᖑᐸᓪᓕᐊᓂᖏᓐᓄᑦ
ᐃᖅᑲᓇᐃᔮᑦᓴᖃᕐᕕᐅᒍᓐᓇᕐᓗᓂᓗ ᐱᔪᓐᓇᕐᓂᖅᑖᖅᐸᓪᓕᐊᒍᑕᐅᓗᓂᓗ ᓄᓇᕗᒻᒥᐅᓄᑦ.
- ᑐᑭᓯᐅᒪᔪᑦ
ᓄᖑᔪᐃᑦᑐᓂᒃ ᐅᔭᕋᕐᓂᐊᕐᓂᖅ ᐊᔾᔨᐅᙱᑦᑐᓂᒃ ᐱᓕᕆᐊᑦᓴᖃᕈᑕᐅᓕᕋᔭᖅᑐᖅ ᒐᕙᒪᒃᑯᓐᓄᑦ ᖃᓄᐃᑦᑑᓂᖓᓄᑦ
ᓄᖑᔪᐃᑦᑐᐃᑦ ᓴᓇᔭᐅᒍᑕᐅᕙᓐᓂᖓᓗ, ᑭᖑᓂᑦᑎᓐᓂ ᐊᑐᖅᑕᐅᖃᑦᑕᖅᓯᒪᓂᖓ ᐅᓇᑕᕐᓂᐅᖏᑦᑐᒧᑦ ᐅᓇᑕᕐᓂᐅᔪᒧᓪᓗ,
ᐊᑦᑕᓇᖅᑐᒦᒍᑕᐅᑐᐃᓐᓇᕆᐊᖃᕐᓂᖓᓄᓪᓗ ᐃᓄᓐᓄᑦ ᐊᕙᑎᑦᑎᓄᓪᓗ.
- ᑐᑭᓯᐅᒪᔪᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᖅᑐᓕᕆᓂᖅ ᐃᑲᔪᖅᓱᖅᑕᐅᒋᐊᓕᒃ ᓄᓇᕗᒻᒥᐅᓄᑦ, ᐱᓗᐊᖅᑐᒥ ᓄᓇᓕᓐᓄᑦ ᖃᓂᒋᔭᖃᖅᑐᓄᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᕐᕕᑦᓴᓂᒃ.
- ᐃᑲᔪᖅᓱᐃᓂᐊᖅᑐᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᖅᑐᓕᕆᓂᕐᒥᒃ ᓄᓇᕗᒻᒥ ᑭᓯᐊᓂ ᐅᑯᐊ ᒪᓕᑦᑕᐅᑦᓯᐊᖅᑲᑕ:
- ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᓇᖅᑐᒦᑦᑕᐃᓕᓂᕐᒧᓪᓗ ᖃᓄᐃᓕᖓᓂᖏᑦ ᑲᓇᑕᒥ ᓇᓗᓇᐃᕐᕕᐅᓯᒪᒍᑕᐅᒋᐊᓖᑦ ᐃᖅᑲᓇᐃᔭᖅᑎᓄᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᖅᑐᓕᕆᓂᕐᒧᑦ ᓄᓇᕗᒻᒥ;
- ᐊᕙᑎᓕᕆᓂᕐᒧᑦ ᐊᑐᐊᒐᐃᑦ ᓇᓗᓇᐃᕈᑕᐅᓯᒪᒋᐊᓖᑦ, ᐱᓗᐊᖅᑐᒥ ᓄᓇᒧᑦ, ᐃᒪᕐᒧᑦ ᓂᕐᔪᑎᓄᓪᓗ;
- ᓄᓇᕗᒻᒥᐅᑦ ᐱᕚᓪᓕᕈᑎᖃᕐᓂᖅᐹᖑᒋᐊᓖᑦ ᓄᖑᔪᐃᑦᑐᓂᒃ ᐅᔭᕋᕐᓂᐊᕐᓂᕐᒧᑦ ᖃᓄᐃᓕᐅᕈᑕᐅᔪᓂᒃ.
- ᓱᓕᔪᖅᓴᖅᑐᑦ ᓄᖑᔪᐃᑦᑐᓂᒃ ᐆᒻᒪᖅᑯᑎᓕᐅᕈᑎᖃᕐᓂᖅ ᐱᒻᒪᕆᐅᓂᐊᕐᖓᑦ ᓄᓇᕐᔪᐊᒥ ᐆᒻᒪᖅᑯᑎᓕᐅᕈᑏᑦ ᐊᒥᒐᓕᖁᓇᒋᑦ ᑕᑎᖃᓗᐊᕈᓐᓃᕐᓂᖅᓴᐅᓗᑎᓪᓗ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᑦ ᐅᖅᓱᐊᓗᐃᑦ ᑭᓂᖅᑕᐃᑦ.
- ᓱᓕᔪᖅᓴᖅᑐᑦ ᑲᓇᑕᒥ ᐱᖁᔭᕐᔪᐊᑦ ᓄᓇᕐᔪᐊᒥᓗ ᐊᖏᖃᑎᒌᒍᑏᑦ ᓇᓗᓇᐃᖅᓯᒍᑕᐅᑦᓯᐊᖅᑐᑦ ᓄᖑᔪᐃᑦᑐᐃᑦ ᐅᔭᕋᕐᓂᐊᖅᑕᒥᓃᑦ ᓄᓇᕗᒻᒥ ᐊᑐᖅᑕᐅᒍᓐᓇᖁᓪᓗᒋᑦ ᐅᓇᑕᕐᓂᐅᙱᑦᑐᓄᑦ.
ᒪᐃ 2007-ᒧᑦ
|