“ᐅᖃᖃᑦᑕᕐᓯᒪᕗᒍᑦ ᐊᑭᑐᔪᒦᓐᓂᑦᑎᓐᓂ. ᐊᓯᖏᓐᓂ ᐊᖏᕈᑎᓂᑦ, ᓇᓗᓇᐃᕐᓯᓯᒪᖃᑦᑕᕐᒪᑕ ᐋᖅᑭᒃᓯᓯᒪᔪᓂᑦ ᑮᓇᐅᔭᓕᐅᕈᑎᓄᑦ ᕿᑐᕐᖏᐅᕐᓂᐅᔪᓂ ᐃᓅᒐᓱᖕᓂᖅ ᓄᓇᖃᖅᑳᖅᑐ ᐱᓕᕆᖃᑎᒌ ᓇᓕᒧᒃᓯᐅᑎᓯᒪᓕᕈᑎ ᑲᓇᑕᒥᐅᓄᑦ. ᐅᕙᑦᑎᒍᓪᓕ . . . ᑕᐃᒪᐃᙱᒻᒪᑦ.“
—ᐸᓪ ᐅᑲᓕᖅ, ᐃᑲᔪᖅᑎ ᐋᔩᕐᑎᓄ ᐃᓄᖕᓄᑦ ᓄᓇᑖᕋᓱᖕᓂᕐᒧᓐ
ᐊᖑᓇᓱᒃᑏᑦ ᐊᒻᒪᓗ ᐊᑭᑐᔪᑦ
ᓇᕗᑦ ᐃᒪᐃᒋᐊᓕᒃ ᓯᕗᒻᒧᐊᖅᑎᑎᓗᓂ ᐃᖏᕐᕋᑦᑎᐊᖅᑐᒥᒃ, ᓄᑖᒃᑰᖅᑐᒥᒃ ᑮᓇᐅᔭᓕᕆᓂᕐᒥᒃ ᐃᑲᔪᖅᑕᐅᖁᓪᓗᒋᑦ ᐃᓄᐃᑦ ᒐᕙᒪᓕᕆᓂᖏᑦ ᐊᒻᒪᓗ ᐃᓕᖅᑯᓯᑎᒍᑦ ᐸᐸᑦᑐᒪᔭᖏᑦ. ᐅᓪᓗᒥᐅᔪᖅ ᑐᑭᓯᓯᒪᔭᐅᓂᖓ ᑮᓇᐅᔭᐃᑦ ᐃᖏᕋᖃᓂᖏᓐᓂᒃ ᐊᒻᒪᓗ ᖃᓄᖅ ᑕᒪᓐᓇ ᐊᐳᖅᑕᐅᑦᑎᐊᕈᓐᓇᕐᒪᖕᒑᑦ ᑭᖑᒧᑦ ᕿᒥᕐᕈᑕᐅᒋᐊᓕᒃ — ᑭᖑᒻᒧᒻᒪᕆᒃ
[ᐊᕐᕕᕐᓂᐊᖅᑎᑦ ᓂᐅᕕᖅᑎᓪᓗ]
[ᓂᐅᕕᕐᕕᒃ Hudson's Bay Company]
[ᒐᕙᒪᑦ ᐅᑭᐅᖅᑕᖅᑐᒧᑦ ᕿᕕᐊᖅᐳᑦ]
[ᓯᕗᓂᕐᒥ ᐱᒍᓐᓇᐅᑕᐅᒍᓐᓇᖅᑐᑦ]
ᓕᖅᑯᓯᒧᑦ ᐃᓅᓯᒧᓪᓗ ᓱᓇᑕᖃᕈᓐᓇᕐᓂᕐᒧᓪᓗ ᑐᙵᓂᕆᔭᐅᓚᐅᖅᑐᖅ ᐃᓄᐃᑦ ᐃᓅᓯᖏᓐᓂ ᖃᓪᓗᓈᑦ ᑎᑭᓚᐅᙱᑎᓪᓗᒋᑦ ᓱᓕ ᐅᓇᐅᓚᐅᖅᑐᖅ ᓄᓇᖅᑲᑎᒌᖑᔪᑦ ᐃᓚᒌᖕᓂᖏᑦ. ᓄᓇᖅᑲᑎᒌᒃᑐᐃᑦ ᐊᐅᓚᑕᐅᓪᓗᑎᒃ ᐱᓯᑎᒧᑦ: ᓄᓇᓕᐅᔪᒥ ᐃᓱᒪᑕᕐᒧᑦ. ᒪᓕᒃᖢᑎᒃ ᓴᓇᖃᑎᒌᖕᓂᕐᒥᒃ ᐊᒥᖅᑳᖃᑎᒌᖕᓂᕐᒥᒡᓗ ᐱᑕᕆᔭᐅᔪᓂᒃ, ᑕᒪᓐᓇ ᐊᑐᒻᒪᕆᓚᐅᖅᑐᖅ ᐃᓄᐃᑦ ᐊᓐᓇᐅᒪᒍᓐᓇᕐᓂᖏᓐᓄᑦ. ᑕᐱᕇᒃᖢᑎᒃ ᐊᖑᓇᓱᖃᑎᒌᑦ ᐊᒻᒪᓗ ᓄᑕᖅᑲᖏᑦ ᓄᓕᐊᕆᖁᔭᐅᔪᓂᒃ ᐅᐃᒋᖁᔭᐅᔪᓂᒃ ᑲᑎᖃᑦᑕᖅᑎᓪᓗᒋᑦ. ᑖᒃᑯᐊ ᒪᖃᐃᒍᓐᓇᑦᑎᐊᙱᑦᑐᑦ ᐃᑲᔪᖅᑕᐅᓂᒃᑯᑦ ᐃᓅᕙᓚᐅᖅᑐᑦ, ᐄᕈᓘᒐᓗᐊᖅ, ᐊᒻᒪᓗ ᐱᔪᓐᓇᖃᑦᑕᖅᑕᒥᖕᓂᑦ ᐃᓚᒥᖕᓂᑦ.
ᓂᐅᕕᖃᑦᑕᐅᑎᔪᑦ ᐅᖓᓯᖕᓂᖅᓴᒧᑦ ᐱᑕᖃᓚᐅᕐᒥᔪᑦ. ᓴᕕᒃᓴᖅ ᓯᑎᔪᖅ ᐊᑐᖅᑕᐅᕙᓚᐅᖅᑐᖅ ᐃᓚᒌᓄᑦ ᐊᔾᔨᒌᙱᑦᑐᓄᑦ. ᕿᔪᐃᑦ, ᐊᒻᒪᓗ ᑭᖑᓂᐊᒍᑦ ᓇᒡᕚᖅᑕᐃᑦ ᕿᔪᐃᑦ ᕿᓂᖅᑎᕕᓂᕐᓂᑦ ᐊᒻᒪᓗ ᐊᕐᕕᕐᓂᐊᖅᑐᓂᑦ, ᐊᑐᖅᑕᐅᒻᒪᕆᒃᐸᓚᐅᖅᑐᖅ. ᐃᓄᖕᓄᑦ ᐊᑐᖅᑕᐅᓪᓗᓂ ᑕᕆᐅᕐᒥᐅᑕᓄᑦ ᓂᐅᕕᕈᑕᐅᑦᑕᖅᖢᓂ ᐃᓄᖕᓂᑦ ᓄᓇᐃᓐᓇᕐᒥᐅᑕᓂᑦ. ᑭᕙᓪᓕᐅᑉ ᐱᖓᖕᓇᖓᓂ, ᓂᐅᕕᖃᑎᖃᖅᐸᓚᐅᖅᑐᑦ ᐅᓇᑕᖃᑦᑕᖅᖢᑎᒡᓗ ᐅᓇᓕᖕᓂᒃ (Chipewyan) ᐊᒻᒪᓗ ᐃᖅᑭᓕᕐᓂᒃ (Cree) ᐅᑭᐅᖅᑕᖅᑐᑉ ᖃᓂᒋᔭᖓᓂᒥᐅᓂᒃ ᓇᐸᖅᑐᓕᖕᒥ. ᐊᒻᒪᓗ ᐃᓄᐃᑦ ᐅᐊᓕᓂᕐᒥ ᕿᑎᕐᒥᐅᑦ ᓂᐅᕕᖃᑦᑕᐅᑎᕙᒃᑎᓪᓗᒋᑦ ᐃᖅᑭᓕᕐᓂᒃ ᐅᐊᓕᓂᐅᑉ ᓇᖅᓴᖓᓂ (Mackenzie Valley).
ᐊᕐᕕᕐᓂᐊᖅᑎᑦ ᓂᐅᕕᖅᑎᓪᓗ
ᐊᕐᕌᒍᑉ ᐃᓚᖓᓂ ᑎᑭᑦᑕᕐᓂᖏᑦ ᒪᓕᒃᖢᒋᑦ ᐊᕐᕕᕐᓂᐊᖅᑎᑦ ᑕᕆᐅᑉ ᐊᑭᐊᓂᑦ ᐊᒻᒪᓗ ᐊᒥᐊᓕᒃᑲᓐᓂᑦ, ᐱᒋᐊᓚᐅᖅᑐᑦ 1800ᓂ, ᐊᒻᒪᓗ ᐊᔾᔨᒋᔭᐅᙱᑦᑐᒥᒃ ᓂᐅᕕᖃᑦᑕᐅᑎᓕᕆᓕᖅᖢᑎᒃ. ᑕᒪᓐᓇ ᐊᒃᓱᐊᓗᒃ ᐊᓯᔾᔨᕈᑕᐅᓚᐅᖅᑐᖅ ᐃᓅᓯᕆᔭᐅᔪᓄᑦ ᑕᕆᐅᕐᒥᐅᑕᐅᔪᓄᑦ ᐃᓄᖕᓄᑦ. ᑕᕆᐅᑉ ᐊᑭᐊᓂᒥᐅᑦ ᑎᑭᑉᐸᓪᓕᐊᔪᑦ ᓄᑖᓂᒃ ᓱᓇᖁᑎᓂᒃ ᑎᑭᑎᑎᓚᐅᕐᓂᖏᑦ ᐱᔾᔪᑕᐅᓪᓗᓂ — ᖁᑭᐅᑎᓂᒃ, ᖃᕐᔪᓂᒃ, ᑏᒥᒃ, ᓄᕕᒃᓴᔭᓂᒃ — ᐃᓅᓯᕐᒧᑦ ᐃᑲᔪᕈᑕᐅᓪᓗᑎᒃ ᐊᔪᕐᓇᙱᓐᓂᖅᓴᕈᖅᑕᐅᓪᓗᓂ. ᑭᓯᐊᓂᓕ ᖃᓪᓗᓈᓄᑦ ᐃᑲᔪᖅᑕᐅᒋᐊᖃᓕᕐᓂᕐᒥᒃ ᓄᐃᒍᑎᖃᓚᐅᕐᒪᑦ ᐅᑎᖃᑦᑕᕆᐊᖃᓕᖅᑎᓪᓗᒋᑦ ᐅᑕᖅᑭᔭᐅᕙᒃᖢᑎᒃ.
ᑭᖑᓂᖓᒍᑦ ᑎᑭᓴᖅᑕᐅᔪᓄᑦ ᐅᑭᐅᖅᑕᖅᑐᒥ ᐃᓅᓯᕆᔭᐅᓯᒪᓕᖅᑐᖅ. ᑕᒪᓐᓇᓗ ᐃᑲᔫᓯᐊᕆᔭᖃᕐᓂᖅ ᐱᕙᓪᓕᐊᓪᓗᓂ ᐊᕐᕕᕐᓂᐊᖅᑎᑦ ᓄᓇᓕᖃᓕᖅᑎᓪᓗᒋᑦ ᓄᓇᓕᒋᔭᐅᔪᓂ ᓲᕐᓗ ᐸᕐᓂᖅᑑᕐᒥᑎᑐᑦ. ᐊᒥᓱᑦ ᐃᓄᐃᑦ ᕿᒪᐃᓚᐅᖅᑐᑦ ᓄᓇᒋᔭᑐᖃᕐᒥᖕᓂᒃ ᐊᒻᒪᓗ ᑲᑎᑦᑕᓕᖅᖢᑎᒃ ᓄᓇᖁᑎᒋᔭᐅᔪᑦ ᖃᓂᒋᔭᖏᓐᓂ ᐃᖅᑲᓇᐃᔭᖅᑎᐅᓪᓗᑎᒃ. ᑕᐃᒪᓐᓇ ᑮᓇᐅᔭᓪᓚᕆᖕᒥᒃ ᐊᑐᖅᑐᖃᖅᑕᙱᒃᑲᓗᐊᖅᑎᓪᓗᒍ, ᐃᓄᐃᑦ ᐊᑭᓕᖅᑕᐅᕙᓚᐅᖅᑐᑦ ᓂᐅᕕᖅᑕᐅᔪᓐᓇᖅᑐᒃᑯᑦ. ᐅᓪᓗᒥᒧᑦ ᑎᑭᓪᓗᒍ ᕿᒃᑖᓗᖕᒥ, ᐃᓄᒃᑎᑐᑦ ᑕᐃᔭᐅᑦᑕᖅᑐᖅ ᓯᕙᑖᕐᕕᐅᑉ ᐅᓪᓗᖓ (Saturday) ᐊᑎᖃᓕᖅᑎᑕᐅᔪᖅ ᓯᕙᑖᕐᕕᖕᒥᒃ — ᐅᓪᓗ ᑕᐃᔭᐅᓪᓗᓂ ᐅᓪᓗᕆᔭᐅᓪᓗᓂ ᐱᕝᕕᒃᓴᕆᔭᐅᓪᓗᓂ ᑐᓂᔭᐅᓂᐊᕐᓂᕐᒥᒃ ᓯᕙᓂᒃ.
ᑕᐃᒪᒃᑲᓐᓂᖅ ᓱᓕ ᐊᑲᐅᔪᒥᒃ ᐊᑲᐅᙱᑦᑐᒥᒡᓗ ᐱᑕᖃᓕᖅᑐᖅ ᐃᓄᖕᓄᑦ ᓇᖕᒥᓂᓖᑦ ᓂᐅᕕᖅᑏᑦ ᑎᑭᑦᑕᓕᖅᑎᓪᓗᒋᑦ ᐊᕐᕖᑦ ᓄᖑᑉᐸᓪᓕᐊᓕᖅᑎᓪᓗᒋᑦ ᖃᓂᒋᔭᖓᓂ 1800. ᓂᐅᕕᖅᑎᐅᔪᑦ ᓂᕆᐅᓚᐅᖅᑐᑦ ᐃᓄᐃᑦ ᐊᖑᓇᓱᖃᑦᑕᕐᓂᐊᕐᓂᖏᓐᓂᒃ, ᐊᒻᒪᓗ ᓂᐅᕕᕈᑎᖃᕐᓗᑎᒃ ᐱᑕᖅᑕᒥᖕᓄᑦ, ᓱᓪᓗᐊᕕᕈᓘᙱᑦᑐᓄᑦ ᓂᐅᕕᐊᒃᓴᕆᔭᐅᔪᓄᑦ ᓂᐅᕕᐊᒃᓴᕆᔭᐅᕙᓚᐅᖅᑐᓄᑦ ᐊᕐᕕᕐᓂᐊᖅᑎᓄᑦ. ᐱᓇᓱᒃᑕᐅᔪᑦ ᐱᑕᖅᑕᐅᔪᑐᖃᕐᓂᒃ ᒪᑯᓂᖓ- ᓇᑦᓯᕐᓂᒃ ᐊᒥᖏᓐᓄᑦ, ᐊᐃᕖᑦ ᕿᓯᖏᓐᓄᑦ ᐊᒻᒪᓗ ᑑᒐᖏᓐᓄᑦ, ᕿᕐᓂᖅᑐᓄᑦ ᕿᓚᓗᒐᕐᓄᑦ ᑑᒐᖏᓐᓄᑦ — ᐊᒻᒪᓗ ᐃᓄᐃᑦ ᓂᕿᖏᓐᓂᒃ ᐱᓯᒪᕙᒃᑎᓪᓗᒋᑦ. ᓂᐅᕕᖅᑎᐅᔪᑦ ᓄᓇᖃᓪᓚᕆᒃᑎᑎᓂᕐᒥᒃ ᐃᓄᖕᓂᒃ ᓄᖅᑲᖅᑎᑎᓯᒪᓚᐅᖅᑐᑦ: ᐱᓇᓱᖕᓂᖅ ᓄᓇᐅᑉ ᐊᖏᓛᖓᒍᑦ ᐱᔪᓐᓇᕕᖃᖅᑎᑕᐅᓪᓗᓂ. ᐃᓄᐃᑦᑕᐅᖅ ᓂᐅᕕᖅᑎᐅᔪᑦ ᐱᑕᖃᓕᓚᐅᖅᑐᑦ ᓂᐅᕕᖅᑎᐅᓪᓗᑎᒃ ᐃᓄᖕᓄᑦ ᐅᖓᓯᒃᑐᒦᑦᑐᓄᑦ. ᐃᓚᒋᔭᐅᓚᐅᖅᑐᑦ ᐅᑯᐊ ᓯᑏᕕᓐ ᐊᖑᓛᓕᒃ ᕿᑎᕐᒥᐅᓂ, ᑲᓈᑲ ᕿᑭᖅᑖᓘ ᐱᖓᖕᓇᖓᓂ, ᐊᒻᒪᓗ ᐃᓚ'ᓈᖅ ᑭᕙᓪᓕᐅᑉ ᓂᒋᖓᓂ.
ᓂᐅᕕᕐᕕᒃ Hudson Bay Company
ᐃᖃᓗᐃᑦ ᒥᕝᕕᖓ
ᓂᐅᕕᖅᑎᐅᑦᑕᖅᑐᑦ ᓇᖕᒥᓂᓖᑦ ᐊᑯᓂᐅᓗᐊᖅᑐᒥᒃ ᐃᖏᕐᕋᓚᐅᙱᑦᑐᑦ. ᐱᒋᐊᓕᓵᖅᑎᓪᓗᒋᑦ 1900, ᕼᐊᑦᓴᓐ ᐲ ᓂᐅᕕᕐᕕᖕᓂᒃ ᓇᖕᒥᓂᕆᔭᕐᒥᖕᓂᒃ ᐱᑕᖃᓕᖅᑎᑎᓚᐅᖅᑐᑦ ᐅᑭᐅᖅᑕᖅᑐᒥ ᓇᒥᑐᐃᓐᓇᖅ. ᐊᖑᓇᓱᒃᑎᓂᒃ ᐱᓕᕆᔨᖃᐅᓕᖅᖢᑎᒃ ᐊᖑᓇᓱᒃᑎᐅᒋᐊᖃᖅᑐᓂᒃ ᓇᖕᒥᓂᑐᐃᓐᓇᕐᒥᖕᓄᑦ ᑕᓪᓕᒪᐅᔪᓂ ᐊᕐᕌᒍᓂ ᒪᓕᒃᑐᓂ. ᑎᑭᑎᓪᓗᒍ 1930-ᖑᔪᑦ ᐊᕐᕌᒍᐃᑦ, ᒥᖅᑯᓖᑦ ᐊᑭᖏᑦ ᐳᖅᑐᑎᓪᓗᒋᑦ ᓱᓕ, ᑎᕆᒐᓂᐊᖅᓯᐅᕐᓂᖅ ᒥᑭᒋᐊᒃᑯᑦ ᐊᔪᖅᓴᙱᓕᕈᑕᐅᓚᐅᕐᒪᑦ ᐊᒥᓱᓄᑦ ᐃᓄᖕᓄᑦ.
ᑕᒪᒃᑯᓇᓕ ᐊᕐᕌᒎᔪᓂ, ᖃᑦᓯᒐᓚᖕᓂᒃ ᓴᓇᔭᐅᒋᐊᖅᑐᖃᓚᐅᖅᑐᖅ, ᐱᓗᐊᖅᑐᒥᒃ ᓂᐅᕕᖅᑎᒃᑯᓐᓄᑦ ᐃᓄᐃᑦ ᓇᖕᒥᓂᖅ ᓇᖏᖅᓯᒍᓐᓇᖁᓪᓗᒋᑦ. ᐅᒥᐊᓂᒃ ᓴᓇᒡᕕᒃᓴᖃᐅᖅᑎᑕᐅᓪᓗᑎᒃ ᑭᒻᒥᕈᒻᒥ ᐊᒻᒪᓗ ᕼᐊᑦᓴ ᐲ ᐱᖓᖕᓇᖓᓂ. ᐊᒻᒪᓗ ᑎᕆᒐᓂᐊᓕᕆᓂᕐᒥᒃ ᐱᓕᕆᕝᕕᖃᖅᖢᓂ ᐸᖕᓂᖅᑑᒥ. ᑕᐃᒃᑯᐊ ᐃᓄᐃᑦ ᐃᑲᔪᖅᐅᓂᖃᖅᑐᑦ ᑕᒪᑐᒪᕐᖓᑦ ᓱᓕᕆᐊᕆᔭᐅᔪᓄᑦ ᐊᒥᓲᙱᑦᑐᕈᓘᓚᐅᖅᑐᑦ: ᑕᐃᒃᑯᐊᖑᓚᐅᖅᑐᑦ ᖃᓪᓗᓈᒥᐅᑦ — ᓄᓇᓕᖕᓈᑦᑐᐃᑦ ᐃᓄᐃᑦ, ᐃᓅᓯᕐᒧᑦ ᖃᐅᔨᓴᖅᑎᐅᔪᖅ Vallee, ᑕᐃᒪᓐᓇ ᑕᐃᓚᐅᖅᑕᖏᑦ. ᐊᒥᓱᑦ ᐃᓄᐃᑦ ᓱᓕ ᓄᓇᓕᖃᖅᖢᑎᒃ ᓄᓇᐃᓐᓇᕐᒥ ᐃᓅᓚᐅᖅᑐᑦ, ᐊᒻᒪᓗ ᓲᖃᐃᒻᒪᐅᒐᓗᐊᖅ ᐃᓄᐃᑦ ᐊᔪᖅᓴᒻᒪᕆᒃᐸᓚᐅᖅᑐᑦ ᐊᒃᓱᕈᖅᑐᒥᒃ ᐃᓅᓯᖃᖅᖢᑎᒃ.
ᒐᕙᒪᑦ ᐅᑭᐅᖅᑕᖅᑐᒧᑦ ᕿᕕᐊᖅᐳᑦ
ᐊᑐᓕᑐᖃᖅᑎᓪᓗᒋᑦ 1940 ᐊᒻᒪᓗ ᐱᒋᐊᕐᓂᖓᓂ 1950 ᑲᓇᑕᒥᖕᒑᖅᑐᓂᑦ ᐊᒥᐊᓕᒃᑲᓐᓂᒡᓗ ᐅᓇᑕᖅᑐᒃᓴᖏᑦ ᓄᓇᕗᒧᑦ ᑎᑭᓚᐅᖅᑐᑦ. ᐅᓇᑕᖅᑐᒃᑲᐃᑦ ᐃᖅᑲᓇᐃᔭᕈᓐᓇᕐᓂᕐᒥᒃ ᐊᑭᓕᖅᑕᐅᓂᒃᑯᑦ ᑎᑭᓴᐃᕗᑦ. ᐊᒻᒪᓗ ᐊᑐᖅᐸᓪᓕᐊᓂᕐᒥᒃ ᖃᓪᓗᓈᖅᑕᓂᒃ ᒥᑦᑕᕐᕕᖃᓕᖅᑎᓪᓗᒋᑦ ᓲᕐᓗ ᒪᑯᓇᓂ ᐃᖃᓗᖕᓂ (Frobisher Bay), ᐊᒻᒪᓗ ᐊᒥᓱᓂ ᑎᐅᓚᐃᓐᓂ (DEW) Line-ᓂ. ᑕᒪᒃᑯᐊ ᐱᑕᖃᓗᒃᑖᖅᐸᓪᓕᐊᓪᓗᑎᒃ ᐅᑭᐅᖅᑕᖅᑐᓕᒫᒥ ᓇᒥᓕᒫᖅ. ᑭᓯᐊᓂᓕ ᐊᕐᕌᒍᐃᑦ 1950 ᐊᑐᓕᖅᑎᓪᓗᒋᑦ, ᓄᓇᐃᓐᓇᒥᐅᑕᐃᑦ ᑭᕙᓪᓕᕐᒥ ᐱᕐᓕᓕᓚᐅᖅᑐᑦ. ᑐᒃᑐᐃᑦ ᐃᑳᖅᑕᕐᓂᖏᑦ ᐊᓯᔾᔨᕐᓂᖅᑎᓪᓗᒋᑦ, ᑲᓇᑕᒥ ᑎᑎᕋᖅᑎᐅᔪᖅ ᕚᓕ ᒧᐊᑦ (Farley Mowat) ᑎᑎᕋᕆᐊᓚᐅᖅᑐᖅ ᑲᑉᐱᐊᓇᖅᑐᒃᑰᕐᓂᖏᓐᓂᒃ “ᐃᓄᒋᔭᐅᔪᓂᒃ ᑐᒃᑐᓄᑦ.” ᑕᒪᓐᓇ ᐊᔪᖅᓴᓕᕈᑎᐅᓂᑯ, ᐃᓚᖃᖅᖢᓂ ᐃᓄᐃᑦ ᓄᓇᖓᓐᓂ ᐊᑐᖅᑕᐅᒃᑲᓐᓂᕈᓐᓇᙱᑦᑐᓂᒃ ᐱᔪᒪᕙᓪᓕᐊᓂᖅ, ᐱᒋᐊᕐᕕᐅᓚᐅᖅᑐᖅ ᐅᓇᑕᖅᑐᒃᓴᐅᙱᑦᑐᓂᒃ ᐃᔨᒋᕙᓪᓕᐊᓕᕐᓂᕐᒥᒃ ᐊᖓᔪᖅᑳᕆᔭᐅᔪᓄᑦ ᐅᑭᐅᖅᑕᖅᑐᒧᑦ. ᓯᕗᓪᓖᑦᑐᒥᒃ ᑎᑭᑉᐸᓪᓕᐊᔪᑦ ᐃᓚᖃᓚᐅᖅᑐᑦ ᒪᑯᓂᖓ ᐃᓄᓕᕆᔨᓂᒃ ᐊᐅᓚᑦᑎᔨᐅᒋᐊᖅᑐᖅᑐᓂᒃ ᐊᔪᖅᓴᖅᑐᓕᕆᓂᕐᒥᒃ, ᐃᓕᓐᓂᐊᖅᑎᑎᔨᓪᓗ ᑎᑭᑉᐸᓪᓕᐊᓪᓗᑎᒃ. ᑕᐃᒪ 1960 ᐊᑐᓕᖅᑎᓪᓗᒍ ᐃᓄᐃᑦ ᐅᖃᐅᔾᔪᖅᑕᐅᓚᐅᖅᑐᑦ ᓄᓇᓕᖁᑎᒥᖕᓂᒃ ᕿᒪᐃᖁᓪᓗᒋᑦ ᐊᒻᒪᓗ ᓅᓪᓗᑎᒃ ᓄᓇᓕᖕᓄᑦ. ᐃᑲᔪᖅᑕᐅᒋᐊᖃᕐᓂᖅ ᓯᓚᑎᒥᐅᓄᑦ ᐊᒻᒪᓗ ᑮᓇᐅᔭᒧᑐᐃᓐᓇᖅ ᐃᖏᕐᕋᓇᓱᖕᓂᖅ ᐊᑦᑕᑎᒋᔭᐅᓪᓚᕆᓕᓚᐅᖅᐳᖅ ᓄᓇᕗᒥ. ᑕᒪᓐᓇᓕᑦᑕᐅᖅ ᐃᖕᒥᒃᑯᑦ ᐊᒃᓱᕈᕐᓇᕈᑎᖃᕋᓗᐊᖅᑐᖅ ᓲᕐᓗ ᐆᒪᔪᓂᒃ ᓯᕐᓈᖅᑏᑦ ᓄᖅᑲᖅᑎᑎᓚᐅᖅᑎᓪᓗᒋᑦ ᓇᑦᓯᖅᓯᐅᕐᓂᕐᒥᒃ ᐊᑭᖏᓐᓂᒃ ᑲᑕᒃᑎᑎᓪᓗᑎᒃ ᐱᒋᐊᓕᓵᖅᑐᓂ 1970-ᓂ.
| ᓄᓇᕘᒥᑦ ᑮᓇᐅᔭᓕᐅᕐᓂᒃᑯᑦ ᑮᓇᐅᔭᓕᐅᙱᓐᓂᒃᑯᓪᓗ ᐊᒻᓇᐅᒪᔾᔪᑎᑦ |
|
 |
|
| ᐃᓄᐃᑦ ᐃᓚᐅᔪᑦ ᐃᖅᑲᓇᐃᔭᖅᑐᓂ (ᑮᓇᐅᔭᓕᐅᕐᓂᒃᑯᑦ ᐊᒻᓇᐅᒪᔾᔪᑎᑦ) |
|
| ᐃᓄᐃᑦ ᐃᓚᐅᙱᑦᑐᑦ ᐃᖅᑲᓇᐃᔭᖅᑐᓂ (ᑮᓇᐅᔭᓕᐅᙱᓐᓂᒃᑯᑦ ᐊᓐᓇᐅᒪᔾᔪᑎᑦ) | |
| ᓄᓇᕗᒥ ᖃᑦᓯᐅᓂᖏᑦ: ᐃᓄᐃᑦ: ᐃᓅᙱᑦᑐᑦ: |
24,730 20,480 4,250 |
ᑐᓴᕈᑏᑦ: 1996 ᑲᓇᑕᓕᒫᒥ ᖃᐅᔨᓴᕐᓂᖅ, 1994 ᓄᓇᑦᓯᐊᑉ ᒐᕙᒪᖏᑦᑕ ᐃᖅᑲᓇᐃᔭᕐᑐᓂ ᖃᐅᔨᓴᕐᓂᖅ
ᒪᕐᕉᔪᓂ ᓯᕗᓂᖃᕐᕕᐅᔪᓂ ᐃᓄᐃᑦ ᓄᓇᒋᔭᒥᖕᓂᒃ ᕿᒪᐃᓯᒪᓂᖃᓕᖅᑎᓪᓗᒋᑦ, ᒐᕙᒪᓄᑦ ᐊᒃᑐᖅᑕᐅᓂᖅ ᐃᓅᓯᓗᒃᑖᒧᑦ ᑐᙵᕝᕕᐅᓕᓚᐅᖅᐳᖅ ᐃᓄᐃᑦ ᑮᓇᐅᔭᓕᐅᕐᕕᖏᑎᒍᑦ. ᐊᒥᓱᓪᓘᓐᓕᑦ ᐅᖃᖅᓯᒪᓕᖅᑐᑦ ᑕᒪᑐᒥᖓ ᓇᖕᒥᓂᖅ ᓇᖏᖅᓯᒪᒍᓐᓇᕐᓂᖅ ᐃᓇᖏᖅᑕᐅᓚᐅᕐᓂᖓᓂᒎᖅ ᐱᑕᖃᓕᖅᑎᑕᐅᓪᓗᓂ. ᒫᓐᓇᐅᔪᕉᖅ ᑭᓯᐊᓂ, ᓄᓇᕗᖃᓕᕈᑎᒃ ᐃᓄᐃᑦ ᐊᒻᒪᓗ ᓇᖕᒥᓂᖃᓕᕈᑎᒃ ᓄᓇᑖᖅᑕᒥᖕᓂᒃ, ᐃᓄᐃᑦ ᐅᑎᕋᔭᕋᓱᒋᔭᐅᔪᑦ ᐃᖕᒥᖕᓂᒃ ᐃᖏᕐᕋᑎᑎᒍᓐᓇᕐᓂᕐᒥᒃ ᐊᐅᓚᑉᐸᓚᐅᖅᑕᒥᖕᓄᑦ.
ᐃᓄᐃᑦ ᐱᓇᓱᖕᓂᕆᓯᒪᔭᖏᑦ ᐱᒋᐊᑐᐃᓐᓇᓚᐅᙱᑦᑐᑦ ᓄᓇᕗᑖᕋᓱᖕᓂᑐᐃᓐᓇᒃᑯᑦ. ᓯᕗᓂᕐᒥ ᐃᓄᖕᓄᑦ ᐊᐅᓚᑕᐅᒍᓐᓇᖅᑐᒃᑯᑦ ᐃᓛᒃ. ᐱᒋᐊᓕᓵᖅᑐᓂ 1950-ᓂ ᐊᒻᒪᓗ 1960-ᓂ, ᒐᕙᒪᐃᑦ ᐃᑲᔪᕋᓱᓚᐅᖅᑐᑦ ᓴᓇᔭᐅᓂᖏᓐᓂᒃ ᑯᐊᐸᓖᑦ ᓄᓇᓕᖕᓂ. ᑕᐃᒪᐃᒃᑲᓗᐊᖅᑎᓪᓗᒍ — ᐃᒻᒪᖄ ᐱᔾᔪᑕᐅᓪᓗᓂ — ᐊᖏᔪᓂᒃ ᑮᓇᐅᔭᓂᒃ ᐃᑲᔪᕈᑎᖃᖅᓯᒪᑎᑕᐅᓂᒃᑯᑦ ᐊᕐᕌᒎᔪᓂ ᖄᖏᖅᓯᒪᔪᓂ, ᐱᓪᓗᐊᕈᑕᐅᓯᒪᙱᑦᑐᑦ ᐃᓚᑐᐃᓐᓇᖓᒍᑦ ᐃᖏᕐᕋᑦᑎᐊᖅᓯᒪᓂᖃᖅᑐᑦ.
ᐅᓪᓗᒥᓕ ᑕᒪᕐᒥᑲᓴᐃᑦ ᓄᓇᓖᑦ ᓂᐅᕕᕐᕕᖃᖅᑐᑦ ᕼᐊᑦᓴᓐ ᐲᒥᒃ (ᒪᓕᒐᖃᖅᖢᑎᒃ ᑕᐃᒃᑯᓂᖓ ᓂᐅᕕᖅᑎᐅᕙᓚᐅᖅᑐᕕᓂᕐᓂᒃ ᓯᕗᓂᕐᒥᐅᓚᐅᖅᑐᓂ), ᐊᒻᒪᓗᑦᑕᐅᖅ ᐊᒥᓱᑦ ᑯᐊᐸᖃᖅᑐᑦ ᐊᓯᖏᓐᓂᒡᓗ ᓇᖕᒥᓂᕆᔭᐅᔪᓂᒃ ᐱᓇᓱᒡᕕᖃᖅᖢᑎᒃ. ᑕᒪᒃᑭᖕᓂᒃ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᑦᓯᐊᑉ ᒐᕙᒪᒃᑯᖏᒃ ᐅᑭᐅᖅᑕᖅᑐᒥᐅᓂᒃ ᐱᓯᓇᓯᓕᖕᓂᒃ ᐱᓕᒻᒪᒃᓴᕈᑎᖃᖅᑎᑎᓯᒪᔪᒃ. ᐊᒻᒪᓗ ᐃᑲᔪᖅᑕᐅᒍᑎᑦ ᐱᑕᖃᕐᓂᖅᓴᐅᓪᓗᑎᒃ ᐃᓄᖕᓄᑦ ᓇᖕᒥᓂᕆᔭᐅᔪᓄᑦ ᑕᐃᒃᑯᐊᓪᓘᓐᓕᑦ ᐱᓕᒻᒪᒃᓴᕐᕕᖃᖅᑐᓄᑦ ᐊᒻᒪᓗ ᐃᖅᑲᓇᐃᔭᕐᕕᖃᖅᑎᑎᔪᓄᑦ ᐃᓄᖕᓂᒃ.
ᐅᓪᓗᒥᐅᓕᖅᑐᖅ ᐊᑐᖅᑕᐅᔪᒃᑯᑦ ᑮᓇᐅᔭᓕᕆᓂᐅᔪᒃᑯᑦ ᓄᓇᕗᒥ ᓄᓇᓖᑦ ᐱᑕᖃᖅᑎᑎᔪᑦ ᐃᖅᑲᓇᐃᔭᕐᕕᖕᓂᒃ: ᒐᕙᒪᓂ, ᓄᓇᓕᖕᓂ ᐱᔨᑦᑎᕈᑎᐅᔪᓂ, ᐃᓕᓐᓂᐊᖅᑎᑎᓂᕐᓂ ᐊᒻᒪᓗ ᒧᓇᖅᓯᐅᓂᒃᑯᑦ, ᐊᒡᓚᒃᑎᐅᓂᒃᑯᑦ, ᐃᖏᕐᕋᑕᖅᑐᓕᕆᓂᒃᑯᑦ, ᓴᓗᒻᒪᖅᓴᐃᔨᐅᓂᒃᑯᑦ, ᐊᒻᒪᓗ ᐊᓯᖏᑎᒍᑦ ᑮᓇᐅᔭᓕᐅᕋᓱᖕᓂᒃᑯᑦ. ᓱᓕᕆᕝᕕᖃᕐᒥᔪᖅ ᒪᖃᐃᑎᐅᓂᒃᑯᑦ/ᐊᖑᓇᓱᒃᑎᐅᓂᒃᑯᑦ ᑎᕆᒐᓂᐊᖅᓯᐅᕐᓂᒃᑯᓪᓗ. ᐃᓚᖏᓐᓄᑦᑕᐅᖅ ᑮᓇᐅᔭᓕᐅᑦᑎᐊᖅᑐᖃᕈᓐᓇᖅᑐᑦ ᐊᓐᓇᐅᒪᓇᑦᑎᐊᖅᑐᒃᑯᑦ ᓴᓇᕐᖑᐊᖅᑎᐅᓂᒃᑯᑦ. ᐅᕝᕙᓘᓐᓕᑦ ᐊᕐᕌᒍᑉ ᐃᓚᖓᓂ ᒪᓕᒃᖢᑎᒃ ᐃᒡᓗᓕᐅᖅᑎᐅᓂᒃᑯᑦ. ᑕᒪᐃᓐᓂᑲᓴᒃ ᓄᓇᓕᐅᔪᓂ, ᐃᓕᓯᒪᔪᑦ ᑮᓇᐅᔭᓕᐅᕈᑎᒋᑦᓱᒍ ᐃᓄᖕᓄᑦ ᐱᑕᖃᖅᐸᓪᓕᐊᔪᑦ. ᑭᓯᐊᓂᓕ, ᐊᒥᓱᓄᑦ ᐃᓄᖕᓄᑦ, ᐃᓕᖅᑯᓯᖅ ᑲᑎᓯᒪᔪᒃᑯᑦ ᑭᓯᐊᓂ ᐃᖏᕐᕋᒍᑕᐅᔪᖅ ᑕᑎᒌᓐᓇᖅᑕᐅᒍᓐᓇᙱᑦᑐᒃᑯᑦ ᑲᑐᑎᓯᒪᔪᒃᑯᑦ ᑮᓇᐅᔭᓕᐅᕐᓂᕐᒥᒃ ᐊᒻᒪᓗ ᐊᖑᓇᓱᖕᓂᕐᒥᒃ. ᐃᓚᒌᑦ ᐊᒻᒪᓗ ᐃᓚᒌᑦ ᐃᑲᔪᖃᑎᒌᖕᓂᖃᖅᑐᑦ ᑕᐱᕇᒃᖢᑎᒃ — ᓯᓚᑎᒥᐅᓂᑦ ᐅᔾᔨᕆᔭᐅᒍᓐᓇᙱᑦᑐᑦ — ᐱᑕᖅᑲᖅᑎᑎᒍᓐᓇᕐᓂᕐᒥᒃ ᐊᖑᓇᓱᒃᑎ ᐊᒥᐊᒃᑯᖃᙱᑦᑐᒃᑯᑦ ᐅᖅᓱᐊᓗᖃᕐᒪᖕᒑᑦ ᐊᒻᒪᓗ ᐃᖏᕐᕋᐅᑎᓂᒃ ᓯᕗᒻᒧᒍᑕᐅᓂᖃᖅᐸᒃᑐᑦ. ᐊᒻᒪᓗᑦᑕᐅᖅ ᑕᐃᒃᑯᐊ ᐊᖑᓇᓱᑦᑎᐅᙱᑦᑐᑦ ᓂᕿᖃᖅᑎᑕᐅᑦᑕᖅᖢᑎᒃ ᐃᑲᔪᖅᑕᒥᖕᓄᑦ ᓂᕿᒻᒪᕆᖕᓂᒃ ᐊᒻᒪᓗ ᐊᕐᓄᕌᒃᓴᐅᓇᔭᖅᑐᓂᒃ ᐱᑎᑕᐅᕙᒃᖢᑎᒃ. ᐊᒥᓲᙱᑦᑐᑦ ᖃᑦᓰᓐᓇᑯᓗᐃᑦ ᓇᖕᒥᓂᖅ ᑮᓇᐅᔭᓕᐅᖅᐸᒃᑲᓗᐊᖅᑎᓪᓗᒋᑦ, ᓄᓇᓕᖕᒥᐅᑕᐃᑦ ᐃᓄᑭᓐᓂᖅᓴᓂ ᐃᑲᔪᖅᑕᐅᓂᒃᑯᑦ ᑭᓯᐊᓂ ᒐᕙᒪᓄᑦ ᐊᓐᓇᐅᒪᒍᑎᖃᓱᖅᑐᑦ.
ᓯᕗᓂᕐᒥ ᐱᒍᓐᓇᐅᑕᐅᒍᓐᓇᖅᑐᑦ
ᖃᓂᒋᔭᖓᓂ ᓇᑉᐸᖏᑕ ᓄᓇᕗᒥ ᐃᓄᖁᑎᒋᔭᐅᔪᑦ ᐅᑭᐅᓖᑦ 20-ᓂᒃ ᐊᑖᓕᒻᒪᑕ, ᐊᒻᒪᓗ ᑖᒃᑯᐊ ᐃᓚᒋᔭᐅᑐᐃᓐᓇᕋᓗᐊᖅᑎᓪᓗᒋᑦ 27 ᐳᓴᓐᑎᒋᔭᐅᓪᓗᑎᒃ ᑲᓇᑕᒥᐅᑕᓕᒫᓂᑦ, ᑐᑭᓕᒃ ᐃᖅᑲᓇᐃᔭᖅᑎᑎᓂᖅ ᐊᖑᒻᒪᑎᒍᓐᓇᖏᓐᓂᖓᓂᒃ ᓂᕆᐅᒡᕕᒃᓴᖃᙱᑦᑐᖅ ᑕᒪᓐᓇ.
ᐃᖅᑲᓇᐃᔮᖃᙱᑦᑐᑦ ᐳᖅᑐᓗᐊᖅᑐᑦ. ᐊᒻᒪᓗᑦᑕᐅᖅ ᖁᓚᓕᕐᓂᖅ, ᑕᒪᓐᓇᓗ ᑕᑯᔭᐅᔪᓐᓇᖅᑐᖅ ᐊᒥᓲᓗᐊᖅᑐᑦ ᐃᖕᒥᓕᖃᑦᑕᕐᓂᖏᑎᒍᑦ ᐊᒻᒪᓗ ᓂᐅᖅᑐᕐᓗᖕᓇᖅᑐᓂᒃ ᐊᑐᖃᑦᑕᕐᓂᖅ. ᐃᓕᓐᓂᐊᖅᑐᓕᕆᔨᐅᔪᑦ ᓱᓕ ᐱᔭᕇᖅᑐᓂᒃ ᐃᓕᓐᓂᐊᕐᓂᕐᒥᖕᓂᒃ ᐃᓕᓯᒪᔪᓄᑦ ᓱᓕᕆᐊᖏᓐᓄᑦ ᐃᓕᖃᓕᖅᑎᑕᐅᔪᑎᒃ ᐱᑕᖃᖅᑎᑎᙱᒻᒪᑕ. ᒪᑯᓂᖓ — ᓘᒃᑖᓂᒃ, ᒧᓇᖅᓯᓂᒃ, ᒪᓕᒐᓕᕆᔨᓂᒃ, ᑮᓇᐅᔭᓕᕆᔨᐅᔪᓂᒡᓗ — ᐊᒻᒪᓗ ᑕᐃᒪ ᓄᓇᖃᖅᑳᖅᑎᐅᙱᑦᑐᓄᑦ, ᐃᓚᖏᑦ ᐊᖏᕐᕋᖃᓕᕋᓗᐊᖅᑐᑦ ᓄᓇᕗᒥ, ᑕᒪᒃᑯᓂᖓ ᑕᒪᐃᓐᓂᑲᓴᒃ ᓱᓕᕆᐊᖃᓱᖅᑐᑦ ᐃᖅᑲᓇᐃᔮᕆᔭᐅᔪᓂ.
ᖃᐅᔨᒪᔭᐅᓇᓱᒋᓂᑯ ᑕᒪᐃᑕ ᐃᓄᐃᑦ ᓴᓇᕐᖑᐊᕈᓐᓇᕐᑎᐅᓂᖏᑦ ᐅᒃᐱᕆᔭᐅᙱᓕᕐᒥᖕᒪᑦ, ᐊᒥᓱᑦ ᓴᓇᕐᖑᐊᖅᑎᐅᓂᒃᑯᑦ ᑮᓇᐅᔾᔭᒃᓴᕈᑎᖃᖅᐸᓚᐅᕋᓗᐊᖅᖢᑎᒃ ᑲᑕᒍᑎᖃᖅᓯᒪᖕᒪᑕᑦᑕᐅᖅ. ᐊᒥᓱᑦ ᓯᕐᓗᐊᖑᔪᑦ ᑕᑖᖅᑐᑦ ᓴᓇᕐᖑᐊᒐᖅᑕᐅᓂᑰᔪᓂᒃ ᓂᐅᕕᖅᑕᐅᔪᓐᓇᙱᑦᑐᓂᒃ ᐊᒡᒐᖕᒧᓪᓗ ᓴᓇᐅᒐᖅᓯᒪᔪᓂᒃ. ᒐᕙᒪᐃᑦ ᐃᓄᐃᓪᓗ ᑕᒪᑐᒥᖓ ᓵᖓᓇᓱᒃᑲᓗᐊᖅᑐᑦ ᐊᔪᕐᓇᕈᑕᐅᓱᖅᑐᒥᒃ, ᐊᒻᒪᓗ ᓯᕗᓂᕐᒧᑦ ᐋᖅᑭᒃᑕᐅᓯᒪᓇᓱᒃᑐᓕᒃ ᐱᕙᓪᓕᐊᑎᑕᐅᖁᓪᓗᒍ ᓱᓕᔪᒃᑯᑦ ᐃᓄᐃᑦ ᓴᓇᐅᒐᖏᓐᓂᒃ ᓂᐅᕕᖅᑕᐅᕙᒍᑎᐅᒍᓐᓇᖅᑐᒃᑯᑦ.
ᐅᔭᕋᖕᓂᐊᕐᓂᖅ ᐊᑐᕐᓂᖃᓪᓚᕆᒃᑐᖅ ᓄᓇᕗᒥ. ᑕᐃᒃᑯᐊ ᒎᓕᒻᒪᕆᐅᙱᑦᑐᕕᓂᕐᓂᒃ ᓴᒡᓗᕿᑕᐅᒍᑕᐅᓚᐅᖅᑐᓂᒃ ᖃᓪᓗᓈᓄᑦ ᐊᑭᐊᒥᐅᓄᑦ ᒫᑎᓐ ᕗᕌᐱᓴᒥᒃ 16-ᖑᔪᒥ ᕼᐊᓐᑕᓚᐅᔪᑦ ᐊᕐᕌᒍᒋᔭᖏᓐᓂ. ᑕᒪᒃᑯᓄᖓᓄ ᑲᓐᓄᔭᓄᑦ ᐊᑐᖅᑕᐅᕙᒃᑐᓄᑦ ᕿᑎᕐᒥᐅᓄᑦ ᓴᓇᕐᕈᑎᒋᔭᐅᓪᓗᑎᒃ ᓱᒋᐊᕈᑕᐅᓪᓗᑎᒡᓗ. ᐅᔭᕋᖕᓂᐊᖅᑕᐅᔪᓄᓪᓗ ᒪᐃᑲᒥᒃ ᑭᒻᒥᕈᒻᒥ ᖃᖓᓵᖑᓯᒪᔪᒥ ᖃᓪᓗᓈᖃᓕᓵᕐᓂᕐᒥ. ᐅᔭᖅᑲᐃᑦ ᐊᑐᖅᑕᐅᑐᖃᖅᓯᒪᔪᑦ ᐃᓄᖕᓄᑦ ᖃᓪᓗᓈᓄᓪᓗ. ᓄᑖᖑᔪᒃᑯᑦ ᐅᔭᕋᖕᓂᐊᕐᓂᖅ ᐱᒋᐊᓚᐅᖅᑐᖅ ᓄᓇᕗᒥ ᑲᖏᖅᖠᓂᕐᒥ 1950ᑦ ᐱᒋᐊᓕᖅᑎᓪᓗᒋᑦ ᐊᒻᒪᓗ ᓂᑲᓪ. ᐊᒥᓱᑦ ᐃᓱᒪᔪᑦ ᓇᖕᒥᓂᖃᕋᔪᖕᓂᖏᑕ ᐃᓄᖁᑎᖏᑕ ᑭᕙᓪᓕᐅᑉ ᑕᐃᑲᕐᖓ ᐱᒋᐊᓚᐅᕋᓱᒋᔭᐅᓪᓗᓂ. ᐃᖅᑲᓇᐃᔭᖃᑦᑕᕐᓂᒃᑯᑦ ᐅᔭᕋᖕᓂᐊᕐᕕᖕᓂ. ᓇᓂᓯᕕᒃ, ᐋᖅᑭᒃᓴᒥᒃ ᐊᒻᒪᓗ ᔨᖕᒃᒥᒃ ᐅᔭᕋᖕᓂᐊᕐᕕᐅᔪᖅ ᐱᒋᐊᓚᐅᖅᑐᖅ 1974-ᖑᑎᓪᓗᒍ. ᐊᒻᒪᓗ ᐊᑯᓂᐅᓂᖅᐸᐅᔪᒥᒃ ᐃᖏᕐᕋᓯᒪᔪᖅ ᐅᔭᕋᖕᓂᐊᕐᕕᖕᓂ. ᓇᓂᓯᕕᒃ ᐃᑲᔪᕐᓗᐊᙱᑦᑐᑐᑦ ᑕᐃᔭᐅᓯᒪᔪᖅ 60 ᐳᓴᓐᑎᒧᑦ ᑎᑭᓯᒪᙱᓐᓂᖓ ᐃᖅᑲᓇᐃᔭᖅᑎᑎᓂᖅ ᐃᓄᖕᓂᒃ. ᑭᓯᐊᓂᓕ ᐊᑲᐅᒋᔭᐅᓯᒪᖕᒥᔪᖅ 20-ᒥᑦ 25-ᒧᑦ ᐳᓇᓐᑎᒧᑦ ᐃᓄᖕᓂᒃ ᐃᖅᑲᓇᐃᔭᖅᑎᑎᓯᒪᓂᖓᓐᓂᒃ ᐅᓪᓗᒋᔭᒥ ᐱᑕᖃᙱᑎᓪᓗᒍ ᑕᐃᒪᓐᓇᑎᑐᑦ ᐃᑲᔪᖅᑎᒋᔪᒥᒃ. ᐃᓚᐅᓪᓗᑎᒃ ᑲᓇᑕᐅᑉ ᒐᕙᒪᖓᑦ ᐊᒻᒪᓗ ᓄᓇᑦᓯᐊᑉ ᒐᕙᒪᖓᑦ. ᐅᓪᓗᒥᓕ ᐅᔭᕋᖕᓂᐊᕐᓂᖅ ᓂᕆᐅᖕᓇᑦᑎᐊᕐᕕᖃᖅᑐᖅ ᓄᓇᕗᒥ.
21 ᑭᓛᒥᑐᔅᑐᐃᓐᓇᕐᒥ ᑕᑭᓂᖃᕐᖢᓂ ᐊᖅᑯᑎ, ᓄᓇᕗᑦ ᓄᓇᓕᖏ ᐊᒻᒪ ᕼᐋᒻᓚᑦᖏ ᓱᓕ ᐅᒥᐊᕐᔪᐊᓂ ᐊᑐᒻᒪᕆᒃᐳᑦ ᐱᖁᑎᑖᕐᓂᖅᒧᑦ
ᐳᓚᕋᖅᑐᓕᕆᓂᖅ, ᐃᓱᒪᒋᔭᐅᒐᔪᒃᑲᓗᐊᖅᑐᖅ ᐃᑲᔪᕐᓂᐊᕋᓱᒋᔭᐅᓪᓗᓂ ᓱᓇᑐᐃᓐᓇᕐᓂᒃ ᓄᓇᕗᑖᕈᑎᒦᑦᑐᓂᒃ (NCLA). ᐃᓄᐃᑦ ᐋᔩᖃᑎᖃᓚᐅᖅᑎᓪᓗᒋᑦ ᓄᓇᕗᑖᕋᓱᖕᓂᕐᒧᑦ ᑲᓇᑕᐅᑉ ᒐᕙᒪᒃᑯᑎᖏᒍᑦ, ᓄᓇᑖᑐᐃᓐᓇᕐᓂᕐᒥᒃ ᓈᒻᒪᒋᔭᖃᓚᐅᙱᒻᒪᑕ. ᐊᒻᒪᓗ ᑭᐳᑕᐅᓗᓂ ᓄᓇᒋᔭᐅᔪᖅ ᑮᓇᐅᔭᑖᖅᑎᑕᐅᓂᕐᒧᑦ. ᐱᑕᖃᕆᐊᖃᓚᐅᕐᒪᑦ ᐃᑲᔪᖅᑕᐅᒍᑎᓂᒃ ᐃᓄᐃᑦ ᓄᓇᕗᒥ ᓇᖕᒥᓂᖅ ᐱᓯᓇᓯᖃᖁᓪᓗᒋᑦ, ᐃᓄᖕᓄᑦ ᓇᖕᒥᓂᕆᔭᖃᕐᓂᒃᑯᑦ ᐃᓄᑐᐃᓐᓇᕐᓄᑦ, ᐃᓄᖕᓄᑦ ᐊᒥᓲᓂᖅᓴᓄᑦ ᓇᖕᒥᓂᖃᖅᑎᑕᐅᓂᖏᓐᓄᑦ, ᑕᐱᖃᕐᓂᒃᑯᑦ ᓄᓇᖃᖅᑳᖅᑎᐅᖏᑦᑐᒃᑯᑦ, ᐊᒻᒪᓗ ᐃᖅᑲᓇᐃᔭᖅᑎᑕᐅᓂᒃᑯᑦ. ᐊᐱᕆᔭᐅᒍᑎᑦ ᖃᓄᖅ ᐃᓚᖓ 24 ᐊᑐᖅᑕᐅᓂᐊᕐᓂᖓᓄᑦ, ᐱᑕᖃᕐᓂᖓ ᐊᓯᔾᔨᕈᑕᐅᓪᓚᕆᒃᓯᒪᖕᒪᑦ ᖃᓄᖅ ᓄᓇᕗᒥ ᐱᓯᓇᓯᒋᔭᐅᔪᑦ ᐊᐅᓚᑕᐅᖃᑦᑕᕐᓂᖏᓐᓄᑦ. ᑕᑯᔭᐅᔪᓐᓇᖅᑐᒃᑯᓪᓗ ᐱᕙᓪᓗᐊᑎᑎᓂᖓᑦ ᐃᓄᐃᑦ ᐃᓚᖃᑕᐅᓕᕐᓂᖏᓐᓂᒃ ᐱᓯᓇᓯᖃᖅᑐᒃᑯᑦ ᐅᔾᔨᕐᓇᒻᒪᕆᖕᒥᔪᖅ. ᑕᐃᒪᓂᑦᑕᐅᖅ ᓱᓕ, ᐃᓚᖓ 23-ᒥ ᓄᓇᕗᑖᕈᑎᒥ ᑐᕌᒐᒃᓴᖃᕐᒥᔪᖅ ᐱᓕᒻᒪᒃᓴᖅᑎᑎᓂᕐᒥᒃ ᑭᒃᑯᓗᒃᑖᓄᑦ ᐃᖅᑲᓇᐃᔭᖅᑎᒃᓴᓂᒃ 85 ᐳᓴᓐᑎᖏᑦ ᑭᒡᒐᖅᑐᐃᔪᑦ ᐃᓅᖁᓪᓗᒋᑦ.
ᐊᔾᔨᒋᔭᐅᙱᑦᑐᖅ ᐱᕙᓪᓕᐊᑎᑕᐅᓂᖏᓐᓂ ᐅᑭᐅᖅᑕᖅᑐᒥ ᐱᓯᓇᓯᖃᖅᑐᓂ ᐱᕈᖅᐸᓪᓕᐊᓂᖓ “ᓇᖕᒥᓂᓕᖕᓄᑦ ᑯᐊᐳᕋᐃᓇᐅᔪᑦ.” ᓄᓇᓯ ᑯᐊᐳᕇᓴᓐ, ᐊᖓᔪᖅᑳᒃᑯᕕᓕᒃ—ᓇᐃᓐᓂᐊᖅᑐᒥᖃᐃ—ᔭᓇᐃᒥ, ᓇᖕᒥᓂᕆᔭᐅᔪᖅ ᑭᒃᑯᓗᒃᑖᓄᑦ ᐃᓄᖕᓄᑦ. ᓄᓇᕗᒥ ᐱᖓᓲᔪᓂ ᐊᕕᒃᑐᖅᓯᒪᓂᖏᓐᓂ ᓇᖕᒥᓂᓖᑦ ᑮᓇᐅᔭᓕᕆᓂᕐᒧᑦ ᐱᕙᓪᓕᐊᑎᑎᔨᐅᔪᓂᒃ. ᓇᖕᒥᓂᕆᔭᐅᔪᖅ ᐃᓄᐃᑦ ᑕᐃᑲᓈᑦᑐᑦ ᐊᕕᒃᑐᖅᓯᒪᔪᒥ ᐃᑲᔪᖅᑕᐅᖁᓪᓗᒋᑦ. ᑲᑐᔾᔨᔨᖏᓐᓄᑦ ᐊᕕᒃᑐᖅᓯᒪᔪᓂ ᑮᓇᐅᔭᓕᐅᖅᑎᐅᒍᑎᖃᖅᖢᑎᒃ. ᑕᒪᒃᑯᐊ ᑯᐊᐳᕇᓴᒋᔭᐅᔪᑦ ᓇᖕᒥᓂᕆᔭᐅᔪᑦ ᓴᙱᔪᑦ ᐱᓯᓇᓯᑐᐃᓐᓇᐅᙱᒻᒪᑕ: ᐃᓚᖃᓲᖑᔪᑦ ᐃᓅᓯᕐᒥᒃ ᐃᑲᔫᑎᒃᓴᓂᒃ, ᐊᒥᓱᑦ ᓇᖕᒥᓂᕆᔭᐅᔪᑦ ᐱᓯᓇᓯᓖᑦ, ᑕᒪᕐᒥᒃ ᐃᓄᖕᓄᑦ ᓇᖕᒥᓂᕆᔭᐅᔪᑦ ᐊᓯᖏᓐᓄᓪᓗ, ᖁᕕᐊᒋᔭᖃᓲᖁᙱᑦᑐᑦ ᐃᓱᒪᑕᐅᓂᖏᓐᓂᒃ ᓇᖕᒥᓂᕆᔭᐅᔪᑦ ᑯᐊᐳᕇᓴᖑᔪᑦ. ᐅᑭᐅᖅᑕᖅᑐᒥ ᓲᕐᓗ ᐃᓇᖏᖅᓯᓗᐊᖅᓯᒪᑎᓪᓗᒋᑦ ᐱᓯᓇᓯᖃᖅᑐᓂᒃ ᓇᖕᒥᓂᖃᖅᑐᓂᒃ.
ᐊᖓᔪᖅᑳᒃᑯᕕᒃ ᐊᒻᒪᓗ ᐃᓄᒋᐊᖕᓂᖅᓴᐃᑦ ᓄᓇᕗᒥ ᐱᕈᖅᐸᓪᓕᐊᑦᑎᐊᕋᓗᐊᖅᑎᓪᓗᒋᑦ, ᐊᔪᖅᓴᕐᒪᑕ ᓱᓕ ᐊᒥᓱᑦ ᓄᓇᓕᒋᔭᐅᔪᑦ ᓄᓇᕗᒥ. ᑕᐃᒪᓐᓇ ᐱᔾᔪᑎᒋᓪᓗᒍ ᓄᓇᕗᑦ ᒐᕙᒪᒃᓴᓕᕆᔨᖏᑦ (NIC) ᐱᒋᐊᖅᑎᑎᖁᔨᓚᐅᖅᑐᑦ ᐊᖓᔪᖅᑳᒃᑯᕕᖓ ᓯᐊᒻᒪᒃᓯᓂᖅᓴᐅᖁᓪᓗᒍ ᐱᒃᓴᖅᑐᓂᖓ ᓄᓇᓕᖕᒥᐅᓂᖅᓴᐅᓗᓂ. ᑮᓇᐅᔭᐃᑦ ᐱᕈᖅᐸᓪᓕᐊᒐᔭᕐᓂᖏᑦ ᓯᐊᒻᒪᒃᓯᒪᓂᖅᓴᐅᖁᓪᓗᒋᑦ ᓇᒥᓗᒃᑖᑦ ᐃᓄᖃᖅᑐᓂ. ᑕᒪᓐᓇ ᐅᐱᓐᓇᕋᓗᐊᖅᑐᖅ ᐱᒋᐊᖅᑕᐅᖁᔭᐅᔪᖅ, ᐊᒻᒪᓗ ᐃᑲᔪᖅᑕᐅᓂᖃᖅᖢᓂ ᑲᓇᑕᐅᑉ ᒐᕙᒪᒃᑯᖓᓐᓄᑦ ᓄᓇᑦᓯᐊᑉ ᒐᕙᒪᒃᑯᖏᓐᓄᓪᓗ. ᐊᒻᒪᓗ ᑐᕐᖓᕕᒃᑯᓐᓄᑦ. ᑖᒃᑯᐊ ᐊᐅᓚᑦᑎᔨᐅᑎᓪᓗᒋᑦ ᐊᖏᖁᑎᑐᖃᕐᒥᒃ ᓯᕗᒻᒧᒃᑎᑎᓂᕐᒥᒃ ᐃᓄᖕᓄᑦ ᑭᒡᒐᖅᑐᖅᖢᑎᒃ. ᒐᕙᒪᓕᕆᓂᕐᒥᒃ ᐊᒃᓱᕈᕈᑎᖃᕐᓗᑎᒃ ᓯᕗᒻᒧᒋᐊᖃᖃᔭᖅᑐᑦ, ᑭᓯᐊᓂᓕ ᓄᓇᕗᒥᐅᑕᐃᑦ ᐱᐅᔪᒥᒃ ᓂᕆᐅᒋᔭᒃᓴᖃᕆᐊᖃᕐᒪᑕ.
| ᓂᕐᑮᑦ ᐊᑭᑐᓂᖏᑦ | ||
| ᑐᕌᓐᑐᒥ | ᐃᖃᓗᖕᓂ | |
| 2 ᓖᑕ 2 ᐳᓴᓐ ᐃᒻᒧᒃ | $ 2.79 | $ 5.71 |
| 1 ᐴᖅᓯᒪᔪᑦ ᒪᓐᓃᑦ | $ 1.65 | $ 2.95 |
| ᐊᑕᐅᓯᖅ ᐸᓚᐅᒐᖅ ᖃᑯᖅᑐᖅ | $ 0.89 | $ 2.59 |
| KFC ᐴᖅ ᐊᑕᐅᓯᖅ ᐊᕿᒋᖅ | $21.99 | $43.99 |
ᓄᓇᕗᑦ ᐱᕐᖑᖅᐸᓪᓕᐊᑎᓪᓗᒍ, ᐊᒥᓱᑦ ᐃᓄᖁᑎᒋᔭᖏᑦ ᖃᐅᔨᒪᓗᐊᙱᒻᒪᑕ ᑲᓇᑕᒥᐅᕗᑦ ᑖᒃᔅᖏᓐᓄᑦ ᐊᑭᓕᖅᑕᐅᖃᑦᑕᖅᑐᒃᑯᑦ ᐃᑲᔪᖅᑕᐃᓂᖃᕐᓂᕐᒥᖕᓂᒃ. ᑭᓯᐊᓂᓕ ᑕᒪᓐᓇ ᐋᖅᑭᒃᐸᓪᓕᐊᔫᒐᓗᐊᖅ. ᓯᕗᓕᖅᑎᖏᑎᒍᑦ ᑎᒥᖁᑎᐅᔪᓂ ᐊᒻᒪᓗ ᒐᕙᒪᒋᔭᐅᔪᓂ, ᐊᒻᒪᓗ ᑕᐱᕇᒃᑐᑎᒍᑦ ᐃᓄᖕᓄᑦ ᓄᓇᖃᖅᑳᙱᑦᑐᓄᓪᓗ, ᐱᕈᖅᐸᓪᓕᐊᓂᖅ ᒥᐊᓂᕆᔭᐅᑦᑎᐊᖅᑐᖅ ᐅᑭᐅᖅᑕᖅᑐᑉ ᑮᓇᐅᔭᖏᑕ ᐃᖏᕐᕋᓂᕆᔭᖏᓐᓂ. ᐅᔭᕋᖕᓂᐊᕐᓂᒃᑯᑦ, ᐃᖏᕐᕋᑕᖅᑐᓕᕆᓂᒃᑯᑦ, ᐊᑐᖅᑕᐅᒃᑲᓐᓂᕈᓐᓇᖅᑐᒃᑯᑦ, ᐅᕝᕙᓘᓐᓕᑦ ᐳᓚᕋᖅᑐᓕᕆᓂᒃᑯᑦ. ᓯᕗᒻᒧᒍᒪᔪᖅ ᓯᕗᓕᖅᑏᑦ ᐃᒪᐃᒋᐊᖃᓚᖓᔪᑦ, ᓲᕐᓗ ᓄᓇᓕᐅᕙᓚᐅᖅᑐᓂ “ᐃᓱᒪᑕᐅᔪᑎᑐᑦ ᐱᓯᑎᑐᑦ” ᑕᐃᑦᓱᒪᓂ ᑕᐃᒪᐃᖃᑦᑕᓚᐅᖅᑐᑎᑐᑦ. ᐃᓱᒪᖃᑦᑎᐊᕐᓗᑎᒃ, ᓴᙱᔪᒥᒃ ᐃᓅᓯᖃᕐᓗᑎᒃ, ᑐᕐᖓᓂᖃᖅᑐᓂᒃ ᐃᓄᐃᑦ ᐃᓕᖅᑯᓯᓪᓚᕆᖓᓂᒃ ᐊᒻᒪᓗ ᐊᔪᙱᓐᓂᑎᒃ ᒪᓕᒡᓗᒋᑦ ᐊᒻᒪᓗ ᐆᒻᒪᐅᓂᐅᔪᑦ ᑎᑭᓕᓵᖅᑐᓂ, ᓄᓇᕗᑦ ᐱᕈᑦᑎᐊᖅᑐᒃᑯᑦ ᓴᓇᔭᐅᕝᕕᖃᖁᓪᓗᒍ.
