ᐃᓄᐃᑦ ᓄᓇᕗᒻᒥᐅᑦ ᓂᕈᐊᓚᐅᕐᐳᑦ 19ᓂ ᒪᓕᒐᓕᕆᓂᒃᑯᑦ ᑭᒡᒐᕐᑐᐃᓂᐊᕐᑐᓂ ᓯᕗᓪᓕᕐᐹᒥ ᒪᓕᒐᓕᐅᕐᕕᐅᓂᐊᕐᑐᒥᓐ ᓄᓇᕗᒻᒥ: 15 ᐃᓄᓪᓚᕇ ᐊᒻᒪ ᑎᓴᒪᓐ ᐃᓄᓪᓚᕆᐅᖏᑦᑐᑦ, ᐃᓚᐅᓪᓗᓂ ᐊᑕᐅᓯᖅ ᕕᐊᑦᓈᒻᒥᐅᑕᕕᓂᖅ.

ᑎᑎᕋᖅᑐᖅ ᒥᐊᕆᐊᓐ ᓱᑉᓕᐃ

[ᒪᓕᒐᓕᐅᖅᑎᐅᔪᑦ]

ᓚᕿᑦᑎᐊᕐᑐᖅ, ᐅᑭᐅᑉ ᓯᓚᖓᓂ ᐊᒻᒪᓗ ᐊᕐᕌᒍᒐᓴᓂ ᐅᑕᕿᓂᐅᔪᖅ ᓴᖅᑭᑦᑎᓂᐅᓚᐅᕐᐳᖅ ᓂᕈᐊᕆᐊᕐᑐᕐᑐᓂ ᐊᒥᓱᒻᒪᕆᖕᓂ ᓄᓇᕗᑦ ᓯᕗᓪᓕᖅᐹᖓᓂ ᓂᕈᐊᕐᓂᖃᖅᑎᓪᓗᒋᑦ ᕕᕝᕗᐊᕆ15, 1999ᒥ. 88-ᐳᓴᓐᑦ ᓂᕈᐊᕆᐊᕐᑐᓚᐅᕐᑐᑦ 2,210-ᖑᑎᓪᓗᒋ ᓂᕈᐊᕈᓐᓇᕐᑐᑦ ᓄᓇᕗᒻᒥ.

ᖃᒪᓂᑦᑐᐊᕐᒥ, ᐃᖃᓗᒃᑑᑦᑎᐊᕐᒥ ᐊᒻᒪᓗ ᐃᖃᓗᐃᑦ ᕿᑎᐊᓂ, ᓂᕈᐊᕆᐊᕐᑐᕐᑐᑦ ᓂᕈᐊᕈᓐᓇᕐᑐᑦ ᓇᐃᓴᕐᑕᐅᓯᒪᔪᑎᒍ ᖄᖏᐅᑎᒻᒪᕆᓚᐅᕐᐳᑦ 100-ᐳᓴᓐᑦᒥᓐ. ᓲᖃᐃᒻᒪ ᓂᕈᐊᕆᐊᕐᑐᕐᑐᑦ ᐅᓄᕐᓂᕐᓴᐅᓚᐅᕐᑐᑦ ᑎᑎᕋᕐᑕᐅᓯᒪᔪᓂᑦ ᓂᕈᐊᕐᕕᐅᔪᓂᑦ.

ᐃᓄᐃᑦ ᓄᓇᕗᒻᒥᐅᑦ ᓂᕈᐊᓚᐅᕐᐳᑦ 19ᓂ ᒪᓕᒐᓕᕆᓂᒃᑯᑦ ᑭᒡᒐᕐᑐᐃᓂᐊᕐᑐᓂ ᓯᕗᓪᓕᕐᐹᒥ ᒪᓕᒐᓕᐅᕐᕕᐅᓂᐊᕐᑐᒥᓐ ᓄᓇᕗᒻᒥ: 15 ᐃᓄᓪᓚᕇ ᐊᒻᒪ ᑎᓴᒪᓐ ᐃᓄᓪᓚᕆᐅᖏᑦᑐᑦ, ᐃᓚᐅᓪᓗᓂ ᐊᑕᐅᓯᖅ ᕕᐊᑦᓈᒻᒥᐅᑕᕕᓂᖅ. ᐊᑕᐅᓯᑐᐊᑯᓗᒃ ᐃᓚᒋᔭᐅᓕᕐᑐᖅ ᒪᓕᒐᓕᕆᕝᕕᒃᓴᒥ ᐊᕐᓇᐅᕗᖅ - ᒪᓃᑦᑐᖅ ᑖᒻᓴᓐ, ᑖᓐᓇᓗ ᓂᐱᖃᓛᖑᖃᑕᐅᓂᑯ ᐱᐅᒃᓴᖏᖢᓂ ᐊᕐᓇᓂᓪᓗ ᐊᖑᑎᓂᓪᓗ ᓇᓕᒧᒌᖁᔨᓂᑯᒥ ᓄᓇᕗᑦ ᒪᓕᒐᓕᐅᕐᕕᒋᓂᐊᕐᑕᖓᓄᑦ. ᑕᒪᓐᓇᓕ ᓴᖅᑭᑕᐅᑎᓪᓗᒍ ᒪᐃ 1997ᒥ ᓂᕈᐊᕐᓂᒃᑯ ᓵᓛᐅᓚᐅᕐᓯᒪᔪᖅ.

ᓂᕈᐊᕐᑕᐅᔪᓪᓕ ᓄᑖᒥ ᐃᒻᒥᒃᑰᕐᑐᒥ ᐊᕕᒃᓯᒪᓂᒃᑯ ᓇᖕᒥᓂᖅ ᐱᔅᓂᔅᖃᑎᐅᔪᑦ, ᒪᓕᒐᓕᕆᔨᕕᓃᑦ, ᐊᖑᓇᓱᑦᑏ, ᒥᕝᕕᖕᒥ ᐃᖅᑲᓇᐃᔭᕐᑎ, ᐊᒻᒪᓗ ᓄᓇᕗᑦᒥ ᐃᓄᒃ ᓯᕗᓪᓕᖅᐹᖓ ᐃᖅᑲᖅᑐᐃᔨ.

ᑖᒃᑯᐊ ᒪᓕᒐᓕᐅᕐᑎᐅᓂᐊᓕᕐᑐᑦ ᐊᖏᕐᑎᑕᐅᓂᐊᓚᐅᕐᑐᑦ ᐱᓕᕆᐊᕆᓂᐊᕐᑕᕐᒥᖕᓄ ᐄᐳᕈ 1, 1999ᒥ ᐃᖃᓗᖕᓂ. ᓄᓇᕗᑦᒧ ᑲᒥᓯᓇᐅᑲᐃᓐᓇᓚᐅᕐᑐᖅ, ᔮᒃ ᐊᓇᕈᐊᖅ, ᑖᓐᓇ ᒪᓕᒐᓕᕆᕝᕕᒡᔪᐊᕐᒥ ᓯᕗᓕᐅᕐᑎᐅᓚᐅᕐᑐᖅ ᓄᓇᕗᒻᒥ ᑭᒡᒐᕐᑐᐃᓪᓗᓂ, ᓵᓚᒃᓴᓚᐅᕐᐳᖅ ᑲᖏᕐᖠᓂᐅᑉ ᑲᓇᖕᓇᖓᓄᑦ. ᐃᓱᒪᒋᔭᐅᓚᐅᕐᑐᖅ ᓯᕗᓕᐅᕐᑎᐅᓂᕐᒧᓐ ᐱᓇᓱᖕᓂᐊᕆᐊᒃᓴᖓᓂ ᒎ ᐋᕐᓗᒃᑐ, ᑖᓐᓇ ᓯᕗᓕᐅᕐᑎᐅᑉ ᑐᒡᓕᕆᓚᐅᕐᑕᖓ ᓄᓇᑦᓯᐊᑉ ᒐᕙᒪᒃᑯᖏᓐᓂ, ᓂᕈᐊᕐᓇᐅᑉ ᓯᕗᓂᐊᒍᑦ ᐃᓱᒪᒋᔭᐅᓚᐅᕐᑑᒐᓗᐊᖅ ᐊᓇᕈᐊᕐᓗ ᓯᕗᓕᐅᕐᑎᐅᓂᕐᒧᓐ ᐱᓇᓱᖃᑎᒋᓂᐊᕆᐊᒃᓴᖓᓂᑦ, ᓵᓚᐅᓚᐅᕐᐳᖅ ᓂᕈᐊᕐᑕᐅᖏᖢᓂ ᕿᑭᖅᑖᓘᑉ ᓂᒋᐊᓄ.

ᐳᓛᕐᓗᒍ “ᓄᓇᕗᑦ: ᐊᑐᖅᐸᓪᓕᐊᔪᑦ” ᑕᑯᓂᐊᕋᕕᖏᑦ ᒪᓕᒐᓕᐅᕐᑎᑦ ᓇᓕᐊᒃ ᐃᒃᓯᕙᐅᑕᖃᕐᒪᕐᒑᑦ ᓯᕗᓕᐅᕐᑎᒧᑦ, ᐅᖃᖅᑎᒧᑦ, ᐊᒻᒪᓗ ᒥᓂᔅᑕᐅᕝᕕᓕᖕᓂ, ᐊᒻᒪᓗ ᑖᒃᑯᐊ ᒥᒃᓵᓄᑦ ᐅᓂᒃᑳᕐᑕᐅᓯᒪᓂᖏᓐᓂᑦ ᓇᐃᓈᖅᓯᒪᔪᓂᑦ.

ᒪᓕᒐᓕᐅᖅᑎᐅᔪᑦ

(ᓂᕈᐊᖅᑎᐅᔪᑦ ᐊᑎᓕᐅᖅᓯᒪᔪᑦ ᓴᓂᐊᓂ ᑕᑯᒃᓴᐅᔪᑦ ᓂᕈᐊᕐᕕᖕᓂ.)